「港鐵哥」紋身兼金毛遭野生捕獲惹熱議網民力撐：有咩問題？｜Juicy叮

時事熱話

更新時間：13:04 2025-01-13
發佈時間：13:04 2025-01-13

有網民野生捕獲一名紋身兼金毛港鐵男職員，出帖表示：「哇！港鐵職員咁型得唔得㗎！！！」掀起網民熱議。

樓主在「大埔 TAI PO」FB專頁發帖，迅即成為熱話，事件詳情如下：

「港鐵哥」紋身兼金毛遭野生捕獲惹熱議網民力撐：有咩問題？↓↓↓↓

樓主在一個港鐵站閘機前，野生捕獲一名金毛港鐵男職員，該職員手臂上有大面積紋身，他在帖文中表示：「哇！港鐵職員咁型得唔得㗎！！！好似Tyson（歌手Tyson Yoshi） ~」帖文引發網民熱烈迴響，部分網民估計該男職員屬後勤部門，「呢個應該係維修嗰啲嚟。」「睇人哋行頭維修部啦。」「一睇就知係Technician嚟。」

對於樓主表示「咁型得唔得㗎」，有網民表示：「紋身唔係問題，但有啲工種喺你工作時候露出黎就係問題！」其言論迅即被網民圍攻：「返古代！」「你有本事咪開間公司自己定個法規不准紋身囉。」網民一面倒力撐紋身無問題：「咩年代呀？唔係覺得紋身係有問題啊。」「紋身做港鐵有咩問題？」「返學咩？唔俾紋身。」「咩年代？咩心態？」「你唔係歧視吓話，2025喎。」

同場加映：兩仙氣港鐵女職員查逃票男子碌卡交罰款「霸氣」坐姿惹議：↓↓↓↓

網民又批評樓主：「染頭髮同紋身好平常，唔知你點解要放人上網。」「啲人真係好痴線，事主又唔係做左啲咩，無啦啦俾人放上網，就俾人評頭品足。」

平等機會委員會的資料指，現行香港的反歧視條例，雖然沒有訂明制訂服裝儀容守則是違法，但平機會建議僱主避免制訂不必要的服裝及儀容規範，避免條文無意地對員工構成直接或間接歧視。服裝及儀容守則的範圍可涉及身體上的裝飾，如衣服、帽子、飾物，甚至在身體上的要求，如髮式、鬍鬚和紋身等。如果僱主認為有需要規限員工的服裝及儀容，應要確保守則內列明的要求不帶歧視色彩。