買花女疑順手牽袋 大圍餐廳籲歸還 網民撞正爆行蹤 後續有彩蛋｜Juicy叮
發佈時間：12:39 2025-01-17
大圍一名挽有兩個隨身雜物袋的女子，懷疑購買大盆年花後發現「冇手拎」，行至一間餐廳門前順手牽「袋」載花，舉動被天眼直擊，遭餐廳負責人在網上有禮地發帖追討，要求物歸原主。而天網恢恢，剛好有網民路過時，目擊涉事的買花女子正使用懷疑順手牽走的藍色袋子。事件後續還有彩蛋，有網民更加揭發出另一事件......
相關閱讀：年近歲晚粉嶺公屋踩線？ 黑衣男咳住亂按門鐘 街坊：㩒咗Ｘ個單位
買花女疑順手牽「袋」逐張睇 ＋ 網民撞到正↓↓↓↓
樓主：不問自取唔係咁啱
樓主早前在facebook群組「顯徑連隆」上載相片講述事發經過——「請各位街坊如果見到出面枱面有嘢啱嘅，不妨走入嚟問下我哋先拎可以嗎？呢個係屬於我哋餐廳嘅物品，不問自取唔係咁啱啊。
呢位女士，我知道你剛剛買咗年花想搵個膠袋裝住，但都可以走入嚟問下我哋，我哋好樂意借袋一用嘅。如果你見到呢個post（帖），麻煩你放返個袋喺出面，物歸原主」。
相關閱讀：天眼直擊低炒鐵閘 長沙灣神秘人公屋走廊戶戶影 網民估做緊呢樣嘢
買花女疑順手牽「袋」逐張睇 ＋ 網民撞到正↓↓↓↓
網民不姑息順手牽「袋」
根據天眼截圖顯示的資料，事發於本月15日下午5時左右。雖然樓主行文溫和有禮，但網民對於順手牽「袋」的舉動卻絕不姑息，斥責「有冇順手到咁嘅......」、「同我哋以前被人偷遮、偷電話一樣」、「阿姐你喺垃圾桶摷一個袋用，就唔算偷。人棄我取，仲可以話你係環保添。不問自取就叫做偷啦！」。
有人甚至估計「可能盆花都係「借」返嚟」、「第一張相離遠已經猴住你個袋，雖然只係背面，但感覺到佢係雙眼發光」。
相關閱讀：麗城花園「鞋子戶」 天眼直擊外賣員疑順手牽鞋？ 「當事人」咁留言......
買花女疑順手牽「袋」逐張睇 ＋ 網民撞到正↓↓↓↓
事件後續有彩蛋
接著有目擊的網民留言爆料，「我今日大概5:05pm公廁門口等小巴見到呢位呀姐，佢確實手抱一個藍袋（疑似ikea袋）裝住黃色蘭花，橫跨馬路（無行安全島咁過），向（隆亨邨）善心樓方向走咗」。事件後續還有彩蛋，另一網民留言時竟揭發出另一事件——「其實我早兩日行過，都見到有個阿姑，有架手拉購物車，佢喺你舖出面拎咗兩個樽走」。
因應以上事件，有好心網民給東主建議「整番個告示牌『請向閉路電視微笑』」。
相關閱讀：天眼直擊古惑「奶粉賊」怪招偷竊 店主追出斷正仍從容甩身
