診所放超長新年假？ 網民疑永久結業 「姑娘初四」爆紅勾起回憶殺｜Juicy叮
發佈時間：15:21 2025-01-31
本來一張平平無奇的白底黑字診所農曆新年假期休假告示，卻因為一個特別的日期而令人關注起來，當中的「姑娘初四」更加意外爆紅，也勾起回憶殺，令人想起周星馳賀歲片《行運一條龍》的經典對白：「年初四咁嘅樣」。
診所放超長新年假逐張睇 ＋ 「姑娘初四」勾起回憶殺↓↓↓↓
相關閱讀：疑開業不足半年執笠 長沙灣米線店貼逾百字告示「咁講」 網民：咁晦氣！
姑娘初四會盡快回覆
樓主年初二（30日）以「2月31一世都唔使開」為題在facebook群組「香港突發事故報料區及討論區」上載診所休假告示的照片，接著被匿名網民轉載至facebook群組「大埔 TAI PO」。相中的告示寫明「診所新年期間會休1月28-2月31號，初四正常營業，如想預約可以留言WS（WhatsApp）5XXXXXXX，姑娘初四會盡快回覆」。
精明的網民一看立即指出錯在哪裏，指診所休假的日子應是1月28日至1月31日才對。但由於告示的錯處搞笑，網民禁不住嘲笑，大肆揶揄一番。
相關閱讀：長沙灣麵店通告限食客極速「ＸＸ分鐘」用膳 網民嘲會哽死：虐待咩！
診所放超長新年假逐張睇 ＋ 「姑娘初四」勾起回憶殺↓↓↓↓
網民狂嘲 大肆揶揄
在「香港突發事故報料區及討論區」的原帖文，回應的網民指「可能佢嘅世界有2月31號」、「應該係1月31號呀」、「乜2月有31號的嗎？！」、「二月卅一日」、「打錯日期呀！乜2月有31日嗎？」，於是有人估計要「永久結業」、「此生無止境休息」。有網民卻寬容地指「其實睇晒內容就知佢打錯咗2字，1月31號，佢都講明初四開工」。
在「大埔 TAI PO」的轉載帖文，網民稱「不知道何年何月先到2月31」、「何年何月初四係2月31號」、「2月都無31號的」、「1月28初一，2月31先初三，嗰個新年都過得幾哲學」、「撇除日期，啲中文都真係好差下......」、「真係中文都差到咁……～」。
診所放超長新年假逐張睇 ＋ 「姑娘初四」勾起回憶殺↓↓↓↓
周星馳：年初四咁嘅樣
針對告示中最尾這句「姑娘初四會盡快回覆」，有網民搶先指地指出「嗰個姑娘叫做初四」，於是有人留言「初四咁嘅樣？」、「姑娘肯定初四咁嘅樣」，這樣便勾起了回憶殺，令人想起周星馳賀歲片之一《行運一條龍》的經典對白：「年初四咁嘅樣」。
「年初四咁嘅樣」這句對白來自星爺周星馳演出的賀歲片《行運一條龍》，電影中飾演茶餐廳老闆的吳孟達面對收樓問題，要求飾演其伙計的周星馳拍硬檔諗計仔解決，當中吳孟達提到收購的幕後老闆是「年初四咁樣」，於是周星馳面青地接話「咩話？年初四咁嘅樣？」，吳孟達接著哭喪著臉解畫「年初四，假又放完，錢又使晒，工又要返，點會有好樣吖？」。
相關閱讀：維園對開掛神秘告示 「地下揸到請自取」 網民驚聞答案：原來攞呢樣嘢
相關閱讀：跑馬地大廈勁有心手繪緊急通告 驚艷網民：被耽誤嘅設計師
