大S逝世｜「去完日本返嚟大病」巧合成熱話 港家庭抵埗3日已「瀨嘢」 4大病徵逾月未好｜Juicy叮
發佈時間：15:40 2025-02-03
台灣女星大S（徐熙媛）因流感併發肺炎魂斷日本，享年48歲。大S猝逝的消息如投下震撼彈般震驚網民。在網上「香港討論區」早前有人巧合地以「有冇人去完日本返嚟大病」為題發帖，獲網民熱烈回應，其中有人自爆抵埗3日全家已「瀨嘢」，另有人大呻出現4大病徵逾月未好。
相關閱讀：大S徐熙媛遊日本流感併發肺炎猝逝 終年48歲 家屬證實死訊
「去完日本返嚟大病」巧合成熱話逐張睇 ＋ 網民排隊回應↓↓↓↓
網民講述生病經歷
樓主於1月24日發出的帖文指「上兩個星期去完日東京返嚟，感冒到而加都未清晒啲病⋯⋯已經睇咗兩轉醫生，但把聲仲沙緊但同流鼻水⋯⋯」。因應樓主「有冇人去完日本返嚟大病」的提問，雖然有人一口回應「冇」，也有人表明「我11月頭去完，好彩無事」，但不少網民身同感受，排隊講述自己的遊日本生病經歷——
•兩個朋友家庭去完日本，全部都病咗；
•去日本第3日已經全家瀨嘢，不停流鼻水又發燒；
•我同事聖誕假期去完日本返來病到昨日至返到工；
•我之前去完東京返嚟都病到傻咗，依家好返啲但仲咳緊；
•上年12月頭去東京，玩咗兩日之後我fd開始病病地，又喉嚨痛又頭痛又咳又鼻塞，到第7日返香港嗰朝我都瀨埋嘢，最終病咗成個月至清到；
•我上年1月成家人去完日本東京之後，除咗我父母及我細妹的老爺之外，全部都中晒甲型流感，病得很嚴重，睇咗兩次醫生，要兩個星期左右先至完全康復。
相關閱讀：大S逝世丨徐熙媛遺體傳今日於日本火化 臨終時具俊曄伴身旁崩潰痛哭 逾億遺產分配惹關注
「去完日本返嚟大病」巧合成熱話逐張睇 ＋ 網民排隊回應↓↓↓↓
出發前打齊流感針新冠針
另有網民指，「香港周圍都多人病，唔好賴日本」、「最近去咗日本3笪地方，又唔覺有乜叫做流感大流行，唔好講香港去日本嗰程機啊，其餘嗰3程機都唔覺有乜人『希希king king』。當然啦我信去咗日本惹到流感返嚟嘅唔少人，不過我知道呢冇惹到流感返嚟嘅仲更加多人」。
另有人醒目地表示，「我哋兩個啱啱去咗福岡札幌小樽共6天，全程冇戴口罩，冇瀨到嘢，安全回家，不過我哋兩個都係打咗流感針同埋新冠針，等咗兩個星期先至去」。
相關閱讀：大S逝世｜專家指流感併發肺炎常見 日本H1N1病毒較台、港來得早 外遊注意三件事
「去完日本返嚟大病」巧合成熱話逐張睇 ＋ 網民排隊回應↓↓↓↓
網民提醒戴口罩
有人則細心分析在當地的生病因由——
•去日本茅（無）帶口罩；
•你哋應該在公眾埸所無戴口罩；
•好多人去完都無事，自己身子差，關日本咩事；
•外面太凍了……入餐廳又太熱，樓主或者唔好喺咁凍嘅天氣去日本比較好。我11月去都著晒羽絨兩條褲等等……；
•去旅行，早機去，晚機返，又要執嘢，又要趕機場，結嗰唔夠瞓，抵抗力弱。
因應網民的健康建議，有人承諾「我嚟緊4月會去日本，希望唔好又瀨嘢返嚟，今次搭車嗰時會帶返個口罩」；有人更加笑言「我反而去完日本之後個思鄉病好咗好多」。
針對不少人抱怨生病後手尾長——「尤其是年紀大嘅患者，手尾好長！」、「咳手尾好長係咁拖住」，但有積極向好的網民安慰「唔使擔心，始終會好嘅，早啲瞓定時食藥」。鑑於大S魂斷日本，有網民於死訊傳出後，特地在帖文留言「啱啱死咗個名人，可能影響唔少人去日本意欲」。
相關閱讀：大S逝世丨遊日期間染流感 旅遊保險包唔包？業界人士剖析關鍵
大S圖輯↓↓↓↓
相關閱讀：遊日注意｜日本流感疫情告急 一周逾31萬例創新高 部分地區藥物供不應求
