山頂花園吊鐘花盛開 大埔鬱金香田 花海、湖泊、鐵道同框｜Juicy叮
發佈時間：10:01 2025-02-20 HKT
春日花開處處，遊走沙田和東涌追櫻外，想要更多花款的，還可到山頂花園和大埔，於吊鐘花下和鬱金香田旁打卡。
在輕曳春風中，吊鐘花正響起了細碎的鈴聲。康文署「賞花速遞」的消息指，就近的吊鐘花賞花點包括香港動植物公園（噴水池平台花園）和山頂花園（同樂徑）。
相關閱讀：香港櫻花．多圖｜機場「櫻花園」今起免費開放 範圍擴大至海旁一帶 花期至3月中
吊鐘花盛開逐張睇 ↓↓↓↓
吊鐘花盛開搞響早春鈴聲
facebook群組「康文＋＋＋」的帖文介紹，「吊鐘花（Chinese New Year Flower），佢係杜鵑花科落葉小喬木，原產自華南地區，亦係香港原生物種嚟㗎～
吊鐘花嘅花期喺1至3月，一般喺農曆新年前後開花，因此英文名亦稱為 Chinese New Year Flower，夠晒應節。佢嘅花呈寬鐘形，粉紅色或紅色花朵長有5塊帶光澤嘅花瓣。花瓣前端呈淡粉色並向外反捲，望落好似一個吊鐘咁獨特。
吊鐘花無葉期通常同花期同時出現，加上花簇沿花梗下垂生長組成傘形花序，所以綻放時大家會欣賞到滿樹緋紅嘅美景，好吸引㗎。快啲去香港動植物公園（噴水池平台花園）同埋山頂花園（同樂徑）睇真啲喇。溫馨提示：吊鐘花已納入香港法例林務規例內，被視為受保護植物。大家賞花時都要好好保護佢哋呀。」
大埔鬱金香田逐張睇 ↓↓↓↓
花海美拍奏成交響曲
春風拂過，鬱金香也絢爛如畫。有讀者向《星島頭條》報料，指位於大埔金鷺湖餐廳（Lake House）內由25000朵鬱金香形成的花田正盛開燦爛，在此正好拍攝到花海、湖泊與鐵道同框，充滿了異地風情的別樣香港風光。
樓主日前在facebook群組「花花草草 」以「天公作美，放假就放晴，可以去小白鷺影下鬱金香花海！」為題，上載場內奏成交響曲的花海美拍。
根據「湖屋—鬱金香交響曲2025」資料，活動的入場時間為12:00pm-6:00pm（最後入場時間:5:30pm），門票正價$20／張，3歲以下／65歲以上人士免費進場，前去方法可瀏覽這網頁——https://www.lake-house.co/accessus。
