《中年好聲音2》顏米羔遭公開追債！與債主對話截圖流出 獨家回應認衰：係我唔啱
發佈時間：20:36 2025-03-09 HKT
《中年好聲音2》季軍顏米羔，一向極多粉絲，於網上人氣持續高企。不過近日他就被朋友於網上公開追數，追數人於網上高開多張與顏米羔私訊的對話截圖，指顏米羔於2022年12月之後一直拖欠金錢，及至去年6月追數人兩度聯絡顏米羔，都未能成功追收欠款。今日（9日）44歲生日的顏米羔，於個人社交網交代事件，指自己已即時清還20,000港元欠款更多付5,000，但亦同時向追數人指，他公開事件對自己傷害很深，顏米羔亦就事件回應《星島頭條》。
顏米羔被公開追債
一名網名叫「loe71287」公開在社交網追數，貼出多張疑似與顏米羔私訊的對話截圖，還hashtag顏米高。追數人指：「Mic-go 師父生日快樂，一個係2022年尾，要做足十二個月嘅job。係你參加中年好聲音2之前嘅事。今日已經係2025年3月都唔覆我幾時找數。因為WhatsApp 你一直唔覆，你嘅好兄弟之一嘅我迫不得已要係呢度問你打算點。但係你個另一好兄弟間agceny公司話已經出哂錢畀你。需要詳盡故事的話，我會慢慢update。#米羔 #顏米羔 #micGOHashtag 係threads唔係咁用，不過我都參考下」。
相關閱讀：中年好聲音｜黃劍文想同古淖文 顏米羔等人組團 挑戰跳唱歌搵冼靖峰做擋箭牌怕出醜
顏米羔被公開追債獨家回應？
之後追數人先後於去年6月25及30日向顏米羔發出短訊問：「幾時找數？」疑似顏米羔回覆：「兄弟，其實我由上年到而家都無工作收入，得啲好散嘅Job仔維持住，叫做好彩無咩要特別洗錢。比賽完到而家都未收到公司一蚊糧，生活精彩，但未有落袋，一分匹布咁長，搵日見面，好耐冇傾偈喇，我都經歷咗一個好難形容嘅旅程，辛苦但係堅持，我記得架兄弟，我會盡快settle。」追數人之後反覆聯絡對方，及至昨日再發短訊，但仍然沒有回音，或因此原因決將事件放上網。
顏米羔認溝通不足
到今天顏米羔於個人IG表示：「就今日3月9日有一位朋友在Threads發表，有指2022年未支付一個工作薪金2萬元，本人承認與對方溝通不足，導致對方不安，亦已與對方道歉並處理款項。事件處理完畢後，才發現有傳媒，在未聯絡本人尋找回應前，經已轉載及報道，故本人決定在此重新作出回應。多謝大家關心，收到晒大家嘅生日快樂」。
顏米高獨家回應認衰仔
顏米高接受《星島頭條》獨家訪問時就欠債事件認衰，亦坦白生活艱難。他用輕鬆態度苦笑說：「世界規則唔止係我，個個人做嘢都辛苦㗎啦，生活過得開開心心就得啦。又唔算係掙扎求存，知慳識儉咪得囉，我又唔係食得多嘢，見我身形就知啦。認識我嘅人都知我喺度默默做。」
對於今次被公開追數事件，他形容已即日處理，搞掂咗及件事完咗喇！他補充說：「其實我係有唔啱嘅，覆得太慢又唔知點答，放低咗又唔記得咗件事，咪引發到今日咁囉。」他再帶笑幽自己一默：「風水佬都話我今年有官非，希望應咗之後就順順利利啦，yeah!」
相關閱讀：古淖文預告1月個唱有腹肌睇 顏米羔想邀兄弟客串懸疑片 譚輝智40歲爭新人獎 自嘲係最Senior的Junior
顏米羔曾當導演：
而於Facebook，顏米羔就進一步解釋事件，並上載今日和追數人溝通的相關截圖。顏米羔主動打電話給對方，並表示「兄弟，我明你失望，但你選擇用呢個方法，其實傷害好大。」顏米羔承認沒有好好溝通，並指自己只是剛處理好自身的問題，並表示他「唔係你睇咁風光」，之後就問對方究竟自己欠款多少。
顏米羔還清債項並多還五千
之後追數人指，自己並非搞事之人，認為如果有經濟困難，就應「唔啱傾到啱」，不應將欠款一拖再拖，並表示顏米羔欠他20,000元。之後顏米羔就過數還款，於截圖清楚見到顏米羔過數對方25,000元，並表示「兄弟，兩萬蚊拖咗你咁耐，唔好意思，過咗兩萬五畀你，請查收」。
相關閱讀：《中年好聲音》46歲「師奶殺手」現身工展會畀女圍！與十多名「熟女」合照熱情到被逼埋牆 遭前後包抄索簽名
