大叔唔等老婆上車反轟車長開車 霸氣舌戰全車乘客：我都係揸巴士嘅！我啱晒！｜Juicy叮
發佈時間：13:44 2025-03-05 HKT
屯門有大叔未等老婆，便急急上巴士，巴士開車後，反炮轟車長不等其妻便開車，與其他乘客展開激烈罵戰，他更霸氣地揚言：「我都係揸巴士嘅！無佢揸得咁Ｘ衰......我覺得我啱晒！」
有關影片昨日（4日）在多個社交平台熱傳，片中涉事巴士的報站屏幕，顯示下一站為「安定邨」，估計事發在屯門，以下為事件全過程：
大叔唔等老婆上車反轟車長開車 霸氣舌戰全車乘客：我都係揸巴士嘅！我啱晒！↓↓↓↓
當時巴士行駛中，一名著黃色外衣的大叔，站於車頭車長駕駛座旁，似正與車長理論，現場聽到有乘客大喊：「收吓啲火，老人家要收吓啲脾氣，唔好郁啲就鬧人，郁啲就鬧人。」這時該大叔悻悻然步至車廂中間車門位置，邊行邊說：「Ｘ你老Ｘ，報警咪報囉，我真係唔Ｘ驚啊！」
他更揚言：「我都係揸巴士嘅，無佢揸得咁Ｘ衰。」這時現場有不少乘客鼓譟，不值大叔所為，有人指責大叔：「你老婆仲走緊嚟，你就走上車，你就唔啱啦！」大叔反駁：「我咩唔啱啊！我叫佢（指車長）等一等我，等一等我都唔啱！」這時有乘客批評：「等咩啫，你唔好上車，你應該係個站等埋老婆至上車，邊個叫你走上車啫，你揸巴士，你就唔啱啦！」
大叔繼續反駁：「咩嘢唔啱啊！我覺得我啱晒！（叫佢）等一等，都話唔等！」有乘客指斥：「梗係唔得啦，等，你咁樣點揸巴士啊，如果你揸巴士，累死人添啊！」
同場加映：巴士「孝順姐」撳住長髮女打到嗌救命：「你Ｘ我都得，唔好Ｘ老母！」↓↓↓↓
這時乘客議論紛紛，大叔與部分乘客理論，現場氣氛火熱，大叔其後再大喊：「我一定會等喎，我揸咁耐巴士，我一定會等埋！」有目擊過程乘客這時指出當時情況：「（當時）你老婆仲係餐廳啊！」大叔反駁：「佢落緊樓梯啊！」有乘客揶揄他：「都唔知你揸咩嘢巴士？」大叔說：「揸九龍巴士（似意思為揸九巴），揸呢條線嘅！」
現場乘客再度鼓譟，有人批評大叔：「梗係唔得啦，要成車人等你！」有乘客批評大叔當時對車長態度惡劣：「你直頭鬧人啦！」大叔則反駁：「我話唔該你等陣！我頭一句就係咁講！」但乘客指他當時語氣差，並指出：「人哋咪畀你上咗，都唔係咁鬧人！」
由於大叔大發牢騷，有乘客警告他，如果真是「揸巴士嘅」，便不要再騷擾車長駕駛，該大叔又再發火：「架車係咪唔可以大聲講嘢，唔可以講嘢先！」有乘客批評：「你累到佢撞車時，邊個負責啊！」但大叔竟借機指罵車司：「佢呢啲就係害死人啊，中途停車害死人，就係呢啲。」
乘客：不如你嗱嗱聲搵返老婆好過啦
有乘客大聲呼籲：「保持安靜！無事啦，大家安靜啦！」有乘客再勸大叔不如聯絡妻子，看可在哪個站落車會合她：「你嘈都無用啊，不如你嗱嗱聲搵返老婆好過啦。」不過，大叔仍未罷休，轉向車長怒斥：「衰到咁，73XXXX（似為他的巴士職員證編號），記住我啦，Ｘ你老母，揸巴士！不顧乘客，中途停車就係你呢啲。」
這時巴士到達兆麟苑站，該大叔終於落車，有乘客歡呼：「好啦好啦，安靜啦！」「落咗車好啊！」「安靜晒！」畫面看到大叔下車後，站在巴士站，左顧右盼，未有即時離開。
不少網民批評該大叔行為，「好彩其他人都肯幫口話佢」，「個個都要等，程車可能一日都未做到一轉」，「成車人Ｘ你，你都覺得冇問題？」，「自己做開車長至唔會追巴士掛，如果係同一條線，揸嗰個點會唔認得佢，除非揸嗰個新嚟或者後備......同埋佢唔上架巴士咪唔會瀨低佢老婆囉。」
九巴乘客須知列明，嚴禁使用任何恐嚇、侮辱、辱罵或不恰當的言語或動作，或以任何其他方式騷擾車長或車廂內之乘客。
同場加映：企上層拒落累停駛 巴士男賴死獲大嬸主動讓座 網民：面皮幾厚先做得出：↓↓↓↓
