「呃食黨」疑入侵青衣 「上海生意人」四圍借錢食飯 街坊大爆行騙手法｜Juicy叮
發佈時間：15:24 2025-03-15 HKT
有「呃食黨」懷疑入侵青衣，一對聲稱在上海做生意的男女，早前在區內四處要求途人請食飯，有街坊看不過眼，於是大爆其行騙手法。
樓主早前在facebook群組「青衣街坊吹水會」以「有兩位內地人喺青衣城問人借錢食飯，自稱上海人，做批發生意，一男一女，事敗後跑走」為題，上載懷疑騙徒的背影相片。
相關閱讀：「催眠黨」疑入侵青衣 港爸自動㩒錢奉獻 痛失$XXXX（附騙徒5大特徵）
「呃食黨」疑入侵青衣逐張睇↓↓↓↓
樓主透露遇上疑似騙徒詳情
樓主接受《星島頭條》查詢時講述遇上這對男女的詳情，指當日下班後行經青衣城商場時，遇上一名年約40歲操普通話的女子，對方向他表示「唔好意思呀先生，可唔可以請吃一餐飯」。
樓主在驚訝的同時提高警惕，但也禮貌地回應，詢問對方「想去哪裏吃飯？」，女子表示「是但一間」。對答期間，一名身高約1.8米的高大男子出現，該名女子聲稱是其丈夫，兩人表明並無惡意，只是希望食一餐飯，所持的理由是身上沒有現金，只有電子支付；又指反正是來港旅行，也不差這些錢吧；兩人更加邀請樓主翌日帶他到酒店進餐以作答謝。
樓主指商場商店也接受電子支付，懷疑兩人是騙徒，因此拒絕對方要求。當準備舉機拍攝時，對方便快步離開，女子離開時還不時回望。
相關閱讀：中年漢得6蚊唔夠錢食快餐店早餐 港女接濟20元 結果意想不到！
「呃食黨」疑入侵青衣逐張睇↓↓↓↓
樓主感謝青衣城關注事件
在越想越不對勁下，加上事發現場剛好位於青衣城的客戶服務中心附近，樓主連隨於事發後約10分鐘向職員反映情況。職員向樓主表示，閉路電視發現到兩人，更拍攝到他們的正面；職員指日後會派人多加留意。樓主特別感謝青衣城關注事件，並進一步透露，其家人也曾在青衣長發邨附近遇上另一種「呃食黨」——一名少女當街要求途人俾錢食飯。
相關閱讀：身光頸靚「呃飯黨」出沒 長髮女向男子落手 當街嗌ＸＸ、ＸＸ
網民和應大爆兩名騙徒行蹤
樓主在群組上載商場內兩名疑似騙徒的相片後，獲其他網民和應，並大爆更多騙徒行騙的手法：
•網民：頭先喺樓下海旁撞到呢兩條Ｘ樣，又係話要借啲錢俾佢哋。跟住我話帶佢哋去差館幫佢哋，佢哋即刻話「不用了」急急腳走咗去。
樓主：係呀，一模一樣。
•網民：今晚我喺泳池都被佢哋問，問我可唔可以幫佢哋去餐廳埋單，話自己無錢埋單，朋友聽日來俾返我。
樓主：琴晚我覺得唔對路，都打咗去青衣城客服，佢哋話已經有幾個人有打嚟，同我同一情況，希望可以趕走佢哋。
•我喺元朗上次又係咁，但佢老婆幾靚，成個張敏咁。
樓主：我呢個唔靚。
相關閱讀：港男羅湖遭「美女黨」糾纏實拍全過程 請飲嘢後出事：「佢拉住我唔畀我走！」最後金錢損失咁多↓↓↓↓
有港男實拍早前在羅湖懷疑被「美女黨」糾纏，他偷偷拍下全過程，提醒「大家要提高警覺」，引發網民關注熱議。
