與大媽迎面撞手臂 馬鞍山港女外套長袖衫應聲鎅爛 上臂留Ｘcm長傷痕｜Juicy叮
發佈時間：10:43 2025-03-21 HKT
馬鞍山一名女途人昨日（20日）早上在街頭與一名大媽迎面撞手臂後離奇受傷，兩層衣服連環破損，上臂慘遭畫下一道傷痕。
事主早昨午在facebook群組「馬鞍山之友 2.0」上載4張相片發帖講辦述在街頭的受傷經過，詳情見下圖↓↓↓↓
相關閱讀：長裙大媽持「利鋸」通街走 一舉動極危險 網民：差啲比佢劈到！後續發展係咁...
事主手臂留1.5cm長傷痕
事主共上載4張相片，分別見到涉事路段、懷疑涉案的大媽側身背影、事主被割破的外套和長袖衫兩重衣服，及手臂上的一道長約1.5cm傷痕。警方表示，昨日早上11時04分接報，兩人在行人路上互相碰撞後發生爭執，案件列作糾紛處理。事件中女事主右手上臂受傷，而懷疑涉案的女子姓謝，年約56歲。
網民關注事件形容情況「咁恐怖」，擔心「鎅頸咪死得」，認為「此風不可長」，提醒「大家要小心」；有人則笑言涉事大媽是「武林高手，世外高人」。有人則直言「我都好憎啲人，咁大條路，都要撞過嚟」。
相關閱讀：灣仔路口「人肉炸彈」 跑步男猛力撞跌長髮女 結局竟然係咁......
馬鞍山港女與大媽迎面撞手臂後受傷逐張睇 ↓↓↓↓
由於在現場找不到任何利器，有人則好奇「咁（事主手臂）俾咩鎅」，回應的網民於是估計「有（利器）都掉咗啦」，「可能文雀想鎅袋鎅錯位」、「可能想鎅你手袋！」、「舊手法，扒手，以前多在交通工具上，因人多，易於下手」。有講究衛生的網民則「驚有菌」、「嘩！點知把刀片又冇咩病毒㗎」。
街坊自爆有相類似經歷
馬鞍山街坊特別關注事件，有人自爆有相類似經歷：
•「每日清晨5點途徑此路返工，經常見到位女士，無論身形、衣著，同佢九成相似，而且有冇落雨佢都會擔遮（雨傘），動作好奇怪，佢會用遮遮住自己專注睇手機，唔似趕返工或者晨運咯」；
•「唔知係咪同一個，有次落樓梯，迎面行又係有個女人見到我無端瑞就拎把鎅刀對住空氣揮」。
馬鞍山港女與大媽迎面撞手臂後受傷逐張睇 ↓↓↓↓
網民：連馬鞍山都變得咁癲
另有街坊感嘆「幾時連馬鞍山都變得咁癲。住落咁多年都一直覺得馬鞍山環境好，乾淨，大多都係正常住家，治安亦都好好」。不過有人回應指「馬鞍山以前夜晚有裸體狂喎（只係可能以前網絡無人講，佢亦唔係經常出沒）。有欣安後，欣安呢邊就真係年幾2年就聽到有啲特別嘢......之前係新港城落三代目壽司條長樓梯都幾次有人俾人夜晚推落樓梯搶嘢啦」。
馬鞍山日前驚現持刀女 警新港城商場圍捕帶走
馬鞍山日前亦驚現持刀可疑女子，持盾警員於新港城將她截獲。3月18日下午1時20分，港鐵馬鞍山站有乘客報案，指發現一名女子手持利刀在月台上徘徊，其後對方離開車站，往新港城商場方向逃去。警方接報後大為緊張，派出多輛警車到場，多名機動部隊（PTU）警員手持盾牌並身穿防刺背心，進入新港城商場搜捕疑人。警員經一輪搜索後，在廁所附近發現涉事61歲姓吳女子，並將她壓向牆邊制服，最後由警車將她帶走調查。
現場消息稱，吳婦在場不時傻笑，警方在其背囊中搜出一把摺刀，其後以涉嫌「管有攻擊性武器」將她拘捕， 案件現由沙田警區刑事調查隊第8隊接手調查，警方正了解其精神狀況及持刀原因。
相關閱讀：馬鞍山驚現持刀女嚇煞街坊 持盾警新港城商場圍捕帶走
相關閱讀：屯門紫衣女批踭撞人起衝突入超市購短刀 被撞者：好在警察剛好嚟到佢買唔成...↓↓↓↓
3月17日早上，屯門商場有紫衣女子批踭撞人後，與路人發生爭執，被撞者報警後尾隨紫衣女走入超市，發現該紫衣女購物車內有把短刀，「如果唔係差人剛好嚟到佢買唔成，後果可能不堪設想。」被撞者在「屯門友」FB專頁發布事發時影片，全過程如下↓↓↓↓
