港姐名媛舊愛正式告別《愛回家》 曾為郭富城伴舞因一事轉型做演員 曾為追夢揸的士維生
發佈時間：19:30 2025-03-21 HKT
TVB處境劇《愛·回家之開心速遞》2017年開播至今已經接近2500集，多年來一直深受歡迎，而且更培育了不少藝人，雖然近年有不少演員離巢而「離家」，不過同樣有不少新角色加入，無損劇集的叫座力，所以收視和口碑依然高企，吸金力驚人。
《愛回家》「書蟲」林浩文宣布離開TVB
曾經在劇中飾演「島大學生」書蟲的林浩文，畢業後曾加入「天才聯盟補習社」，可惜又因補習社倒閉而被投閒置散，在幕前消失了跡影，後來更有網民發現他已變的士司機，不過林浩文強調不會放棄追夢，做的士司機可觀察人生百態，更有助投入角色，增加人生閱歷。昨日（20日）林浩文在IG撰長文終宣布離開TVB。
相關閱讀：愛回家丨書蟲林浩文戲份大減轉行揸的士？曾與富貴港姐冠軍拍拖6年終分手
「書蟲」林浩文宣布離開TVB：
林浩文在IG貼上TVB外貌的相片並說：「喺係2006年有一位小朋友冇夢想冇目標，只係識得係屋企打機，但一次機緣之下畀佢接觸咗舞蹈，當時佢亦都冇諗過要有任何目標，只係純粹鐘意跳舞，但命運就係咁，冥冥中總有安排。佢一直有好多貴人教佢畀機會佢，慢慢喺佢17歲嗰年，迎來第一次在TVB表演嘅機會，佢拼盡全力去練習，唔想白費呢次機會，而佢嘅努力冇白費到，好順利咁完成表演，亦帶來第二次…第三次…甚至更多機會，而佢不知不覺喺TVB愉快咁渡過3年，喺呢3年亦學習到好多技巧，但與此同時呢3年所學習嘅技巧，原來係為咗將來嘅一個轉變，而呢個轉變就係要去一個更大舞台，而佢呢次要挑戰嘅係有「舞台王者」之稱嘅郭富城演唱會。」
林浩文由表演舞台轉戰電視
林浩文稱得到這個機會後，比之前更努力更用心：「亦成功站穩陣腳，開始在演唱會呢個大舞台發光發亮，直到2017年某一日係佢耳邊有把聲音同佢講，不如試吓演戲，去報藝員訓練班啦。佢相信呢個聲音立即填表提交，好幸運地又一次再返TVB呢個大家庭，但今次嘅身份唔再係舞蹈員，而係演員。以前佢以為演戲係一件容易嘅事，入訓練班用返以前學過嘅嘢就搞掂啦，但入咗訓練班後先發現，原來曾經所學嘅技巧好似全部都用唔到，但又唔係完全用唔到，所以佢不斷去跟身邊不同嘅人學習，希望能夠好似以前咁做每一件事都充滿信心揮灑自如，而係呢個過程中佢亦學識唔好自滿。」
相關閱讀：《愛‧回家》再有演員疑離巢？自爆新身份：我依家係XX師！
邵珮詩離開TVB：
林浩文衷心感激曾經幫助他的人
最後林浩文說：「而不知不覺又已經過咗7年半了，呢7年半亦有好多貴人幫助同畀機會呢位小朋友，而呢位小朋友亦衷心感激曾經幫助過佢嘅人，雖然佢好少掛喺口邊，但佢默默記住曾經幫過佢嘅人。命運又一次要佢轉變啦！去一個充滿問號嘅環境，佢唔知將來會好會壞…但經歷過嘅所有嘢都會放在心中，佢好希望有機會再同大家係一個更好嘅時光再相遇。再見TVB，再見我嘅貴人們，我哋江湖見。」
林浩文曾與2014年港姐冠軍邵珮詩拍拖
舞蹈員出身的林浩文在2013年加入TVB至今，演出過不少劇集，但被人留下印象的作品不多，最為人記得的除「書蟲」外，還經常被指派做禮儀先生，他曾在2021年參加《盛·舞者》，翌年獲曾志偉支持，與另外4位訓練班出身的藝人程浩駿、鄭雋熹、陳俊堅及姚宏遠開拍節目《七線人棄王》。林浩文與曾2014年港姐冠軍兼「最上鏡小姐」邵珮詩拍拖，雖然女友出身豪門，但林浩文坦言不怕閒言閒語，直指拍拖不應該與權力及金錢掛，不過兩人已於2022年承認分手，結束6年情，並稱已由戀人變成家人。
