沙田赤腳小童衣衫單薄被母扯住走 目擊者：當時11度體感得8度 小童母現身解釋苦衷掀爭議｜Juicy叮
發佈時間：10:10 2025-04-01 HKT
近日氣溫驟降，天文台亦發出寒冷天氣警告，有網民昨日（31日）早上在沙田目睹一名小童赤腳兼短衫短褲，衣衫單薄被母扯住行，該目擊網民指出：「講緊（當時）沙田係得11度體感得8度」，帖文引發網民熱議關注。
該小童母親其後留言解釋苦衷，指小童已「12日冇返學」，當時她「趕住返學校做義工」，但兒子「不停扭計發脾氣，所以佢先咁樣做」。事件詳情如下：
沙田赤腳小童衣衫單薄被母扯住走 目擊者：當時11度體感得8度 小童母現身解釋苦衷掀爭議↓↓↓↓
樓主昨日（31日）早上在社交平台Threads發帖公開當時情況的影片，片中一名側孭大袋女子拖著一名黃色短袖衫小童，小童赤腳，雙手緊握女子手掌，隨女子步伐急步行走，黃衣小童衣衫單薄，而女子則有穿著較厚身衣服如大褸、厚身襪、拖鞋等等。
樓主表示，當時聽到該名小童「喺度喊住咁樣唔想返學」，而女子則向小童表示：「乖嘅小朋友係唔會喊扭計唔返學。」小童說：「我想留喺屋企。」女子回應：「我係唔會擺啲喊嘅小朋友喺屋企。」之後該女子「就扯咗個小朋友過馬路」。
樓主在帖文中質疑該女子於寒冷天氣警告下的「教仔嘅方法」：「每個人都有佢教仔嘅方法，但係今日(3月31日)呢個天氣呢個溫度，講緊沙田係得11度體感得8度，我唔認為咁樣夾硬捉個靚仔出嚟，叫佢赤腳行係一個好嘅方法。」
小童母一度留言解釋：趕住返學校做義工 小朋友不停扭計發脾氣
樓主其後又補充，該小童母親曾在帖文中留言，但其後刪走，樓主引述該母親解釋，指「佢小朋友係因為12日冇返學，佢趕住返學校做義工，個小朋友不停扭計發脾氣，所以佢先咁樣做。」
樓主又引述涉事母親表示「佢心痛佢個仔，同埋佢話佢會拍片，佢自己赤腳行，咁但係，最後佢係delete晒啲comment」。
同場加映：港媽疑拍報校影片掌摑幼女 搽粉遮傷痕再拍 網民報警↓↓↓↓
樓主在帖文中截圖披露事件：「本身拍片原意係俾學校知你平日生活係點，一個二個搞到變咗表演咁，仲要唔啱心水就打X個小朋友。」
「張圖都係whatsapp group forward 出嚟，如果有幼稚園收到呢份申請，真係要考慮吓報警救吓個小朋友。」
有網民質疑虐兒：8度嘅沙田，佢咁樣著仲赤腳
帖文引發不少網民熱議，反應兩極，有網民認為該女子「玩大咗」，行為已涉嫌虐兒：「感冒傷風呢啲小病唔講，小朋友可能受傷感染（嚴重可能截肢，仲要見到垃圾桶同埋坑渠，），咁樣逼佢佢可能有心理陰影，影響深遠。」
「8度嘅沙田，佢咁樣著仲赤腳，病咗或整親都係阿媽要一齊受，做義工遲到咪遲囉，搞清小朋友係咩原因唔返學先啦。」「搞錯，自己包到冚哂，個𡃁仔衣衫單薄，要報警。」「已經係虐兒了。」
有網民籲體諒：有時只見表面，好難下定論
但有網民則體諒為人父母育兒的辛酸，指「家家有本難唸的經」：「有時只見表面，好難下定論，但都真係為小朋友同媽媽辛苦，盡快搵專業人士幫忙，解決問題。」「可能係個小朋友唔想返學，然後用唔著衫黎威脅阿媽，阿媽就由佢凍下，唔俾佢凍下，每次都俾佢威脅到仲難搞。」
「我女有高需高敏，有時唔肯換著緊嘅衫褲，同埋襪鞋，甚至要左右調轉著，先認為正確......12日冇返學唔想返，可能小朋友內心有原因，要了解下。」
同場加映：港爸指控外傭疑報復煲粥嚴重灼傷BB 手及半身不停甩皮：醫生話可能要植皮 警拘43歲菲傭涉虐兒↓↓↓↓
