港鐵阿婆「舉中指」逼少女讓關愛座 被拒手機反拍女事主斥：「你唔係香港人啊？你無家教㗎！」｜Juicy叮

網絡熱傳有婆婆在港鐵列車，舉中指要求少女讓出關愛座，該婆婆被拒絕後，拿出手機反拍少女，並斥責她們：「你唔係香港人啊！你無家教㗎！」

涉事少女在社交平台發帖批評該長者：「想人哋讓座，態度好一點先啦。」不少網民批評該長者用粗口手勢逼人讓座：「話人冇家教，然後自己對人舉中指。」「佢(指婆婆)舉中指！又何來家教？」

涉事少女今日（19日）下午約4時25分，在其個人社交平台回應事件，再披露更多細節。而有網民隨後亦公開疑似女事主和朋友當時所坐位置的相片，表示有關位置不是關愛座，現場亦有其他空位，質疑有關婆婆要兩人讓座，懷疑有意刁難該兩名少女。

港鐵阿婆「舉中指」逼少女讓關愛座 被拒手機反拍女事主斥：「你唔係香港人啊！你無家教㗎！」↓↓↓↓

女事主昨日（19日）在社交平台Threads發帖，發布事發影片，首段影片看到婆婆站在少女面前，疑已拿出手機拍攝女事主。

女事主喝斥婆婆說：「影夠未啊？」婆婆表示：「你家吓識出聲啦！你想唔想報一報上去啊？」似為威脅事主會將影片放上網。

婆婆拍攝少女疑威脅放上網：我要求個位畀老人家

少女即問：「咁你想點先？」婆婆說：「我要求個位畀老人家，你當聽唔到，無家教！」

少女厲聲道：「邊個話一定要讓呀？」婆婆說：「OK！你問一問啊，你唔係香港人啊？你無家教㗎！」少女駁斥：「咁我哋都會攰㗎，攰唔使坐啊！」

少女稱攰拒讓座反拍婆婆 婆婆舉中指回應

婆婆一時語塞未有回應，少女又斥責婆婆：「我哋唔讓你，你影人做乜先！」婆婆要求少女「撳鐘」「叫地鐵啲人」，少女再重申：「你影人做乜？我影你得唔得啊？！」婆婆即表示：「得！」

少女這時舉手機影婆婆，婆婆竟舉起中指，以粗口手勢回應鏡頭。

女乘客怒斥婆婆：你唔好倚老賣老啦！

這時有女乘客似不值婆婆所為，怒斥她：「你唔好倚老賣老啦！」該女乘客又批評婆婆影到她：「關我咩事啊！我無霸到你個位，你無資格影我！」

面對被斥責，婆婆這時建議少女「報警」，少女即罵道：「你唔報警？」婆婆表示：「我唔使報，我上晒（影片到）互聯網㗎啦，你check一check啊，OK？」

婆婆又斥責少女：「著到好眉好貌，斯斯文文，但係完全無修養，無規矩！」少女表示：「唔一定要讓你㗎！」婆婆反駁她：「你話啊？！」

婆婆自稱長輩：我係一個好賤嘅家庭婆

婆婆又批評少女：「以為自己好威、好叻，好靚！」之後自稱：「我係一個好賤嘅家庭婆，OK？我無擺款！」

另一段影片，婆婆聽到少女表示自己亦因為攰想坐，婆婆表示關愛座「唔係攰唔攰嘅問題」，她指關愛座是給老人家、大肚婆及細佬坐，少女即表示：「我哋唔係細佬哥啊？」

婆婆又表示自己是長輩，「唔係大晒，但係指明」，她又強調在內地亦有相關規例。

婆婆邊拍少女 邊以英語說「Good！Good！」

其後婆婆在少女對面找到空位坐下，即又拿出手機，高調拍攝女事主，少女表示：「你咪影囉！」婆婆舉機拍攝時又不斷以英語表示：「Good！Good！」又提及「social media」等字眼，但因現場嘈雜未能聽清內容。

少女表示：「你影啦！影啦影啦！」

少女其後下車，婆婆繼續大動作舉機拍攝，少女向婆婆大罵「食Ｘ啦，傻嘅」後即下車。

網民：想人讓座應係「請求」唔係「要求」 態度差真係接受唔到

有關影片在網上引發熱烈迴響，不少網民表示婆婆要人讓出關愛座，不應持老賣老，甚至出示粗口手勢，態度不佳：「想人讓座/幫手應該係，「請求」唔係「要求」......我相信呢個世界有好多好心人，真係有需要，唔駛開聲都有人讓座，但態度差真係接受唔到。」

「話人冇家教然後自己對人舉中指」，「佢舉中指！又何來家教？」

「長輩......佢好意思提自己係長輩？」「咁大個人都唔知咩叫讓，唔係老奉。」「(關愛座)並沒有硬性規定，(讓座)完全是發自內心。」

「個個都有畀錢，先到先得㗎啦，老馮一定要讓俾你咩，我大住個肚，都唔會咁厚面皮叫人哋(讓)畀我。」 

網民：細路(女)都有唔啱  無話邊個啱哂

不過，部分網民亦指有關少女態度亦有相榷餘地：「阿婆無禮貌無家教......佢用咁既態度，叫你地讓坐係唔啱......但係你哋態度都唔係好，其實係唔係應該解釋返佢知，關愛座既主要目的？」

「個婆婆有唔啱，但係，細路(女)都有唔啱，做咩要拍片影婆婆？其實......無話邊個啱哂。」

少女所坐非關愛座？阿婆刻意刁難？女事主再公開細節

女事主今日（19日）下午約4時25分，在其社交平台回應事件，再披露更多細節。而有網民亦公開疑似女事主和朋友當時所坐位置的相片，表示有關位置不是關愛座，現場亦有其他空位，質疑有關婆婆要兩人讓座，懷疑有意刁難該兩名少女。

她表示，是該婆婆「一上車就特别冇禮貌叫我同我朋友讓開」，由於她和朋友覺得該婆婆「唔係幾好」，所以無理她。

她表示，其後婆婆用手機拍攝她們，「仲話要放上網」，「仲影埋隔離果啲人」，該婆婆發完上網後，「就直接將部手機畀我哋睇，然後不停鬧我地兩個，我點解要鬧返佢係因為佢特别串，而且係佢先過嚟串Ｘ我哋兩個，不停鬧我哋。」

少女曾問港鐵職員：工作人員有話過讓唔讓，係睇我自己

她表示:「係佢影我先嘅，自己舉中指好意思話我哋冇家教？」該少女表示，下車後有詢問港鐵職員，「（港鐵）工作人員有話過讓唔讓，係睇我自己，想讓就讓，唔讓就唔讓」。 

其後少女又再留言表示：「我同師姐行街一日，腳痛，唔畀坐？」「隔離啲人都鬧你，阿婆你好唔好意思啊。」

同場加映：傷殘青年坐城巴關愛座遭罵逼讓座 大嬸要求出示傷殘證：「我點知佢跛㗎？！」熱心大叔代抱不平↓↓↓↓