兒童節聽兒童說︳資優生黃苡因學習是王道！原來孩子也會為移民不開心？
發佈時間：16:19 2024-04-05
兒童節︳「資優生是怎樣煉成的？」小六學生黃苡因，就讀傳統名女校，亦是香港資優教育學苑的學員，早前參加「開放數據創新應用比賽2023」，憑發明作品《社區、生態自遊易》榮獲小學組二等獎及最佳創新獎（小學組），在在是一個充滿學習熱誠的資優生。至於成長階段，媽媽Vince剖白沒有任何秘技，只是順其自然。「我哋真係好放飛，又托賴苡因好乖，學業向來唔多需要擔心。我哋只係培養佢有正面價值觀同埋透過欣賞音樂，可以抒發情緒同感受。」Vince坦言唯一為苡因學業「籌謀」的事，是讓她小五轉校「純粹不想花時間搞升中」。反而媽媽於苡因小時候，經常被她「考起」。 「放工返到屋企，發覺有份試卷在枱面，原來她考完試自製一份試卷給我『歎』！」
有獎攞係開心嘅
跟苡因談天，還有小女生的腼腆，可是說到得獎作品，立即兩眼放光。「設計了一個一站式幫助旅客或本地人士郊遊為方案的app，方便大家得知處身地方15分鐘腳程內的各種資訊，如可行路徑、中藥資訊甚至花和樹的品種，以及美食小店等。」甫聽已經包羅萬有，無怪乎得獎。「唔覺得自己特別，我只係一個好普通嘅女仔，不過有獎攞係開心嘅（笑）。」
雖然就讀的小學有直屬中學，而面對即將舉行的分班試，苡因說有少少緊張。「（你唔使擔心啦！）有自己想考入嘅班嘛！」人家是資優生是有原因！
與苡因快問快答：
1.請介紹一下手上這兩件寶物？
因為要將物品分門別類，所以分了兩個盒子。（苡因先打開細盒子，現場所有人都感驚訝，放滿舊錢幣，同時有郵票）全係我日常見到、不同面額的舊錢幣，儲起佢哋，就算他日唔再流通，總算有個紀錄，郵票就係我由一年級開始儲的。至於大盒內就係由細到大，對我有價值嘅物品，扭計骰、女童軍的興趣章、公仔、堅振（一項天主教儀式）紀念品、自己整的書仔等。
2.你覺得自己開心嗎？
我覺得自己開心，點解要唔開心？唔開心嘅時候，再難都可以搵到可以慶祝嘅嘢。最緊要係冷靜同埋保持正面，就會易啲搵到答案。
3.你覺得怎樣過才算是快樂的一天？
一日24小時入面，時間用得有意義、又或者同令你開心嘅人一齊，就係最快樂嘅一天。
4.最近一件令你唔開心的事是甚麼？
好朋友移民後失咗聯絡，因為只有佢嘅WhatsApp，無地址又寄唔到信，留咗message但等咗一個月都無回覆。（說時有少少扁嘴）
5.你最好的朋友是誰？
Sophie同Isabella，雖然只係識咗一年，但大家已經成為好朋友，因為我哋都好喜歡寶可夢，好多共同話題
文：劉佩樺 圖：鄭慧盈
相關文章︳兒童節│黃梓樂星光背後的開心年少日常：最想幫人、人哋開心我就滿足
相關文章︳兒童節︳囝囝Kylian凡事直接的人仔 媽媽吳若希Jinny：放手讓孩子試，有自信會更快樂
