亨利拆局│練馬師王吼黎昭昇
更新時間：02:00 2024-10-16
發佈時間：02:00 2024-10-16
發佈時間：02:00 2024-10-16
字體大小
早前提到，今季谷草練馬師王次次都分數偏高，結果上周三希斯埋單以兩贏兩位得34分，相對沙田賽事跑十場卻經常開30分或以下，要在谷草封王的難度確實不低！
環看今期各倉布陣，有資格奪2W2P的馬房並不多，方嘉柏出馬八匹固然最搶眼，伍鵬志連日攻勢也不敢睇小，韋達八路興兵也子彈充足，但要攞2W2P似有難度。範圍越縮越窄之下，我
傾向扒冷博黎昭昇。佢今次出馬得五匹，兵力不多卻勝在隻隻皆精，其中三駒更配潘頓，騎者今季手風大順，攜手合作有望齊齊封王！
重心方面，「納百川」上季630場次蝕慢步速能追近四班中堅馬「有鴻利」，谷草性能已露一手，上仗全條直路跟馬尾，被對手又阻又壓並無跑過，今次強配可見真章。此外，「極光彗星」跨季冒勇，排十檔亦難輕視；「魔法速遞」和「勇霸龍」上仗對手水準超勁，後駒轉場可欺弱旅；「穿甲鷹」入三甲當額外獎賞。
目標：黎昭昇
賠率：5.5
全日惡馬 第四場：納百川
練馬師王最佳投注時機：第二場前
