亨利拆局│練馬師王吼沈集成
更新時間：02:00 2024-10-20
發佈時間：02:00 2024-10-20
發佈時間：02:00 2024-10-20
字體大小
今季暫時跑了十二次賽事，計次數希斯三度封王最威水，近期佢無論谷草或田草都連番攻勢，表現不遜伍鵬志，尤其今日出馬十三匹，容陣非常強大，當中更有鎮倉寶「嘉應高昇」列陣，似乎穩袋12分。不過留意今季練馬師王賽果，發現出馬多的馬房通常鱷魚頭老襯底，正如上期廖康銘封王，出馬只得五匹而已；前次希斯奪34分亦只得七駒，比起幾個主要對手都出馬較少。
今期除了希斯兵分十三路最矚目，呂、伍各有九駒亦似樣，不過統統唔係我杯茶。沈集成出馬六匹勝在貴精不貴多，除了練馬師王值得小注一試，個別馬匹不妨單場賭WP或作Q膽。
主力方面，「非凡達」上仗慢放賺形勢贏馬，隨時被人睇低，但其性能未必適合擺前望空，今次排五檔會有遮擋，有助末段發揮後勁。「完美演繹」落腳慢，加程是合理部署。「旺旺神駒」捨易取難跑千六有冷味，詳情請睇H9《一亨即中》。
目標：沈集成
賠率：25
全日惡馬 第四場：非凡達
練馬師王最佳投注時機：第三場前
