晨光追擊│「富喜來」再下一成

更新時間：17:42 2024-11-08
發佈時間：17:42 2024-11-08

沈集成季前曾講過，希望可以衝擊冠軍練馬師寶座，以現時他的成績來看只是一般，但看目前沈廄質新馬上陣不算多，相對旗下年長馬可拼則拼，似係盡快求交代後，讓位添新血的部署。

第四場第四班二○○○米：「富喜來」七月十八日由鄭廄轉投沈廄，今季開鑼日已急不及待上陣，角逐田草千六米，因應十二檔起步，布文刻意拖後跑，早段落後超過七個馬位，進入最後直路時仍距離前領馬六乘之多，形勢陷於不利，即使末段交出全場最快末段，亦未能平反敗局只得季席。

「富喜來」前仗爭谷草千八，留前鬥後並不蝕低，因為同場「贏馬超影」比佢留得更後，所以僅跑第四輸近四個馬位絕對無藉口。上仗「富喜來」改攻田草千八一樣用留後跑法，但再次戴上眼罩效果極佳，末段爆出廿三秒一七輕取對手，看該仗末段締第二及第三快的「揚威四方」和「永勝金駒」，分別只做出廿三秒五六及廿三秒七六，時間遠遠不及，足見「富喜來」上仗贏馬姿態幾咁勁揪，今仗有望再下一城，為沈集成增添一場頭馬。

「富喜來」今仗有望再下一城，為沈集成增添一場頭馬。

河好運有力補中

第九場第三班一二○○米：「河好運」上季次次熱捧，今季首戰更捧到十七蚊，結果初戴面箍守好位輕勝。接戰潘頓推庒選擇了「耀寶」，但事後看，潘頓騎「河好運」會否出現同一賽果？因「河好運」及「耀寶」同樣出閘不快，而且「耀寶」出閘更慢，但跑了一小段之後，潘頓已徐徐跟上馬群；相反希威森早段留到包尾，轉彎入直路時仍遙遙落後，騎者的留放固然要問話，而判斷力之差更加令人嘆息。

「河好運」上仗換上班德禮，再無慢閘並跟守好位，遇上了超級馬「包裝天將」獲亞已有交代，再看季軍「穿甲戰鷹」再出幾乎補中，更見「河好運」呢席第二水準極高。