祖馬龍心水│「競駿輝煌」手執盃耳

更新時間：17:20 2025-01-11
發佈時間：17:20 2025-01-11

有時唔到大家唔信邪，馬場智慧話我知有樣嘢叫馬主運。即係咁，匹馬贏唔贏有好多因素，簡單嘅就係隻馬fit唔fit、騎師當日狀態如何，馬匹以外嘅因素要考慮練馬師部署周期、騎練合作數據等。馬主運呢，就係馬匹、騎師樣樣嘢都夾晒，諗住實食無黐牙啦，點知臨尾叮噹嗰一下影輸。去到呢啲因素都無辦法㗎喇，唯有相信時來運轉，下鋪贏番。

最近兩季競駿會有啲運仔，擺喺唔同馬房嘅馬匹都相繼交出頭馬，暴熱嘅又有、暴冷嘅又有。今年馬會仲特登新增咗一個競駿會盃賽，有今季尚未交代嘅「競駿輝煌」出賽。呢匹馬大家會員都寄望好高，不過今季尚未交代。祖馬龍實有私心，所以唔打算提供客觀分析，希望呢個賽日潘頓連贏過嘅「包裝天將」都唔揀騎，可以幫「競駿輝煌」捧盃而回！

當然，潘頓都有揀錯馬嘅時候，你睇啱啱谷草唔要「追風」，益咗梁家俊。不過一季以來佢有幾可揀錯馬？尤其依家潘頓士氣如虹，預期農曆新年前打破韋達紀錄。祖馬龍Q都唔買，只投注獨贏一注，非理性地主觀期望喺凱旋門見到「競駿輝煌」凱旋歸來。

第七場：4競駿輝煌、6球星、8陽光勇士
第八場：1競駿先鋒、6真心傳奇、5龍之光

↓立即下載星島頭條App↓