黑夜之神方嘉柏 (圖) 今次兵分九路有足夠籌碼，而且普遍季內曾上名，狀態多有保證，除了投注佢練馬師王，亦可選擇賭單場。

亨利拆局│練馬師王吼方嘉柏

更新時間：02:00 2025-03-05 HKT
發佈時間：02:00 2025-03-05 HKT

近兩期練馬師王都開低分數，前次告東尼贏頭兩場包辦孖寶，區區24分竟可頂到尾！上次沙田跑十場，蔡約翰封王也不過28分。出現上述情況，反映現階段多個倉口都增強攻勢，大家連場埋身肉搏，無人有能力壟斷賽果，你贏一場佢贏一場，終於練馬師王連日低開。

今期谷戰也算形勢平均，廖、蔡、方、偉、姚、東都各有實力馬在手，看誰好運一點能夠起孖。由於是夜賽關係，黑夜之神方嘉柏不免較吸引視線，今次佢兵分九路有足夠籌碼，而且普遍季內曾上名，狀態多有保證，除了投注佢練馬師王，亦可選擇賭單場。

重點爭分馬方面，「獨角獸」季內五戰P都無，因經常抄大外疊後追太被動，今場勝在出馬少，早段不會落後太遠，屬贏馬黃金機會。「果然得」上季三歲已嘗試跑二千，證明幕後認為佢屬長途氣袋，上仗流鼻血休出配黃智弘，照計是熱身性質，處女馬鬥志無疑。「電子宇宙」轉倉初出遇弱組，要防。

目標：方嘉柏

賠率：3.25

全日惡馬第三場：獨角獸

練馬師王最佳投注時機：第一場前

↓立即下載星島頭條App↓