亨利拆局│練馬師王吼蔡約翰

更新時間：02:00 2025-03-15 HKT
發佈時間：02:00 2025-03-15 HKT

最近六日蔡約翰四度封王，季中攻勢顯著增強，上期夜賽跑谷草，原以為佢會稍為收斂，就算贏馬亦未必夠分封王，結果埋單勇奪兩冠一亞，韋、巫各自起孖亦唔夠佢鬥。既然蔡約翰在谷草搏殺都得心應手，今次回師沙田主場更加唔敢睇小。

值得留意，今次蔡廄多駒都休息期不算長，大約只兩至三周，但多數埋門都有加油閘，就連新勝馬也不例外，觀乎備戰似是有備而來，尤其下半場布陣最養眼。想博分頭可在較後場次賭走地，一切視乎賠率變化而定。

重點爭分馬方面，「至尊高超」上仗雖只險勝頸位，但亞軍「穿甲戰鷹」再出補中，賽事段速更前快後快，橫計掂計都極具水準，三歲馬進度拾級上升，按馬房作風不會保留。「健康快車」易位難贏皆因跑法被動，今次勝在對手不算強，有權衝贏。「首飾天空」上仗初跑千四都衝上贏馬，對手平庸是主因，但本身能克服負頂磅兼慢步速兩大難度，水準必須尊重。

目標：蔡約翰

賠率：1.75

全日惡馬第九場：至尊高超

練馬師王最佳投注時機：第五場前

↓立即下載星島頭條App↓