亨利拆局│練馬師王吼廖康銘

更新時間：02:00 2025-03-19 HKT
發佈時間：02:00 2025-03-19 HKT

蔡約翰近期攻勢排山倒海，七日內共五次封王，短期內確實唔敢睇小佢，今期出馬七匹亦不乏實力分子，然而頭三場都無馬列陣，捧場與否可視乎走地賠率，臨場再作定奪。

若計整體牌面，廖、伍、東都有力加入戰圈，而觀乎近期成績，廖康銘早前曾與蔡約翰平頭封王，加上馬房作風較穩健，投注練馬師王相對伍、東可取，再者廖康銘在二、三場都有惡馬，先買一注為敬。

重點爭分馬方面，「年少多好」得快放一招，今場勝在對手偏弱，既然前仗134磅都保住第四，今次遇弱旅有望扳到。「電源之駒」前仗跑三班千四得殿軍，即使沿欄慳腳程亦予人驚喜，上仗落班搏失可歸咎步速稍快，今次有轉倉慨念兼配布文，提升名次應可辦到。「星價」上仗際遇一百分，但畢竟初跑谷草能贏馬，況且今次又排內檔，隨時再賺一次。「多利彩駒」上仗包尾入直路，全場以佢追得最勁，今次排檔內移會好跑得多。

目標：廖康銘

賠率：3.5

全日惡馬第二場：年少多好

練馬師王最佳投注時機：第二場前

↓立即下載星島頭條App↓