祖馬龍心水│「喜尊龍」穩中求勝
更新時間：18:42 2025-04-19 HKT
發佈時間：18:42 2025-04-19 HKT
發佈時間：18:42 2025-04-19 HKT
字體大小
換夏草之後，春風一吹彷彿提醒祖馬龍係時候要去旅行喇！我用咗平時入閘前嗰種快手嘅投注速度，上網搶咗張平價快閃機票。春天蒞臨嘅時候，雨水總會多兩滴，依家又有溫室效應，天氣乍暖還寒。
祖馬龍去咗名古屋，朝早有二十度，夜晚得八度，早幾日仲上埋立山黑部，遇到四月飛霜，體驗咗日本嘅春夏秋冬。離開一日後，聽聞長野縣發生五級地震，祖馬龍避得開地震，亦趕得切返嚟參與沙田賽日，實在感恩！
其實，當大家努力刨馬嘅時候，今日唔知聽日事，賽事會隨着天氣變幻而產生變數，有時又因為其他臨場因素，或者馬匹健康出問題等，最終令賽果同預期有巨大出入。
體力充沛嘅潘頓復出之後，令馬迷投注多咗支扶手棍。近期心情開朗嘅潘頓接二連三有馬贏，祖馬龍鍾意佢今次第二場隻「喜尊龍」，匹馬連場追得好，可惜接連際遇欠佳，上場快閘但鞍上人決定留後，出彎入直路之際人馬角力，因為由頭到尾upset，終於直路一滴都無。今次強配潘頓，不理賠率只求交代，草泥賽日通常形勢混亂，想穩中求勝可用此駒作為馬膽。
第二場：3喜尊龍、11龍城強將、13肥仔精神
第三場：2贏得自然、6甜蝦女、8天天耍樂
