祖馬龍心水│「非凡時刻」初出即食

更新時間：17:52 2025-04-22 HKT
發佈時間：17:52 2025-04-22 HKT

後疫情時代，祖馬龍經常買外賣食，但發覺就算幾好食嘅餐廳、幾頂級嘅食材，當放喺外賣盒之後，哪怕已是極速趕返屋企，美味佳餚都會隨住盒蓋嘅倒汗水，令到味道完全變樣。祖馬龍曾試過提取外賣之後，只係行一條短短嘅馬路過對面公園仔立刻品嚐，不過味道走樣程度仍似黑色星期五購物一般，隨隨便便都打個五折！賭馬都係，好多時候要抓住一瞬間嘅機會。

今次鍾意隻初出「非凡時刻」，睇最近兩課試閘，佢出腳有一種好順滑嘅感覺，呢種輕鬆程度，令祖馬龍覺得佢並非一般52分馬。今仗對手有連番交代嘅「運來伍寶」，亦有強配但排外檔嘅「猛將兄」，以及有盛年已過嘅「旌鷹」。趁初出大家未留意之際，我準備搶飲頭啖湯。

第三場 7 非凡時刻 1 運來伍寶 3 猛將兄
第七場 1 鈁糖武士 5 佛亮老撾 6 電源之駒

↓立即下載星島頭條App↓