練馬師王希斯 (圖) 今次最對辦，「嘉應高昇」擺擂台當然最矚目，其餘場次亦不乏精兵，就博今期輪到佢發威！

亨利拆局│練馬師王吼希斯

更新時間：02:00 2025-04-27 HKT
發佈時間：02:00 2025-04-27 HKT

回顧四月份跑過七次賽事，其中方嘉柏在谷草兩度封王最威水，其餘六日則由唔同人封王，特色是幾個中上游馬房輪流威。今次適逢大賽日，唔知邊個成績最好呢？幾個大倉當中，只有希、姚、伍近期相對靜局，即使期間有頭馬交出，始終未見龐大攻勢，三人都久違練馬師王寶座，提防反擊在即！

上述三人，要數希斯今次最對辦，「嘉應高昇」擺擂台當然最矚目，其餘場次亦不乏精兵，就博今期輪到佢發威！

重點爭分馬方面，「嘉應高昇」跨季十一連捷，而且每次贏馬姿態都輕鬆，爭取12分應無走雞。「東方飛影」上仗刻意唔搶，最後幾十米才望空都衝入位，季尾越戰越勇。「嘉冠王」三歲負134磅不免吃虧，但參考同父廄侶「綫路盈樂」能連場上名，信佢血統早熟會繼續砌。「天星」上仗直路打鞭即閃出閃入，走勢生嫩，但賽事段速夠靚，一席亞軍能拋離群駒，怎計都有水準。

目標：希斯

賠率：2.2

全日惡馬第五場：嘉應高昇

練馬師王最佳投注時機：第一場前

↓立即下載星島頭條App↓