林媽媽生日P給麥明詩定心丸　拒讓林作識女仔

更新時間：23:08 2016-08-03
發佈時間：20:20 2016-08-03

林作母親Lily Wong賀50歲生日，晚上在中國會舉行慈善生日派對，以中國風為主題，一眾好友鄭明明、麥玲玲、黎燕珊等到賀。林作表示媽咪生日一定要孝順陪媽咪，「送個心畀佢，我哋唔物質化。我搵咗TVB的魔術師來，魔術氹女啱使。」Lily被問到是否恨飲新抱茶？她直言：「係！」在旁的林作就說：「佢講嘢我控制唔到。」
一提到麥明詩，Lily就笑得開懷並說：「她現在巴西，唔係都一齊嚟。（有預送禮物？）有心就得！」林作亦說麥明詩知道母親生日，有甚麼對方會跟母親說！Lily就講明不會在場介紹女仔給兒子認識。至於是否視明詩為兒媳婦？她說：「佢話係就係，以事業為主！」林作即謂：「公式化冇回應！（加把勁？）冇回應！」
麥玲玲送上現金作賀禮，並自爆與林母同年同生肖。提到之前她批林作和麥明詩分手，玲玲姐十分尷尬說：「暫時不知，年輕人離離合合，好難講，最重要開心。」被問到可會會批他們可有機會結婚？她說要花點時間，但就肯定說Lily會有好的新抱茶飲！黎燕珊則謂已過了兩招給林作哄女仔，又大讚麥明詩讀書叻、聰明，基因好，更謂：「後生仔鍾意食出面啲嘢…我指食嘢，選擇出面好味啲嘢，人會曳下，人都有錯。」（攝影：羅安強）