當年被認錯張德培 陳奕迅重拾球拍：輪廓出來了
更新時間：22:45 2016-08-30
發佈時間：16:32 2016-08-30
發佈時間：16:32 2016-08-30
字體大小
陳奕迅（Eason）以香港網球總會推廣大使身份，出席「賽馬會樂動網球計劃」記者會，Eason表示當年覺得偶像林子祥、張學友打網球好有型，他7歲就開始學網球。仍在放大假的Eason表示，今個暑期再開始打網球，近年亦有打羽毛球和學瑜伽，自覺弗了開始有輪廓。記者提議他出首新歌叫《輪廓》，Eason即叫好。不過，他稱早前因左腳十字韌帶斷做手術，怕受傷而不敢踼波，他喜歡跟黃佩霞學瑜伽，對方的地獄式鍛練不讓他休息，令他乖乖聽話。
Eason自言今年42歲，如不運動身體像螺絲生鏽，要多鍛練才更靈活，成班好友各自做運動，互相感染，梁漢文打泰拳踢波，劉浩龍向來有做運動，他則與郭偉亮（Eric Kwok）打網球和羽毛球。Eason笑稱當年短髮分側邊界貌似網球手張德培，曾被人認錯，他又見過球星麥根萊，笑指對方好招積。問女兒康堤有否一同打網球？Eason直言囡囡不懂，但有跟太太徐濠縈跑步，嘲笑康堤手長腳長較輪盡，又似他腰長較懶，但音樂方面好。
另外，問到有傳囡囡去外國留學？Eason大反應說：「吓！點解我唔知？唔係。依家學校好難，但佢話唔辛苦。（會否計劃留學？）如有能力係好，都想佢去見識，擴闊眼界，又可獨立啲，香港有工人較依賴。依家畀佢享樂，等大個啲先，中學識下香港朋友，可能中三、四先考慮。」問最近有否探好友陳子聰？他說：「冇，佢好似ok。（一齊做運動？）未得，佢休息下先。（出院未？）唔知，唔記得。」Eason表示待子聰康復才可做運動，自稱做運動令情緒好又更風騷，還得戚地說要更換整個衣櫃的衫。（攝影：李樹勳）
Eason自言今年42歲，如不運動身體像螺絲生鏽，要多鍛練才更靈活，成班好友各自做運動，互相感染，梁漢文打泰拳踢波，劉浩龍向來有做運動，他則與郭偉亮（Eric Kwok）打網球和羽毛球。Eason笑稱當年短髮分側邊界貌似網球手張德培，曾被人認錯，他又見過球星麥根萊，笑指對方好招積。問女兒康堤有否一同打網球？Eason直言囡囡不懂，但有跟太太徐濠縈跑步，嘲笑康堤手長腳長較輪盡，又似他腰長較懶，但音樂方面好。
另外，問到有傳囡囡去外國留學？Eason大反應說：「吓！點解我唔知？唔係。依家學校好難，但佢話唔辛苦。（會否計劃留學？）如有能力係好，都想佢去見識，擴闊眼界，又可獨立啲，香港有工人較依賴。依家畀佢享樂，等大個啲先，中學識下香港朋友，可能中三、四先考慮。」問最近有否探好友陳子聰？他說：「冇，佢好似ok。（一齊做運動？）未得，佢休息下先。（出院未？）唔知，唔記得。」Eason表示待子聰康復才可做運動，自稱做運動令情緒好又更風騷，還得戚地說要更換整個衣櫃的衫。（攝影：李樹勳）
