鄧萃雯演活惡養母　網民大讚：每一個眼神都是戲

更新時間：15:28 2017-05-01
發佈時間：22:39 2017-04-30

鄧萃雯角色情緒起伏大。

鄧萃雯相隔兩年再拍劇，其主演的內地劇《繁星四月》正在熱播，內地網站的點擊率已衝破4億，香港亦會在Viu app追播。雯女在劇中飾演戚薇養母，同時又因親生女兒走失而變得極負面，對養女戚薇諸多為難針對，不乏怒罵及掌摑場面，惹來內地熱討，除有網民大讚「每一個眼神都是戲」，還出現洗版式Hashtag「#鄧萃雯狠虐戚薇」，直指雯女精湛演技帶動整體收視。對於坊間一致好評，雯女笑言很開心，因為覺得一切來得意外又真實。她說：「呢個劇其實係臨危受命嘅，突如其來提前咗個幾月播出，所以根本冇時間做前期宣傳，依家喺零宣傳情況下有咁樣嘅成績，我覺得好感恩。」

鄧萃雯做回觀眾看女主角小時候或長大後，才醒覺跟自己相似。

雯女在劇中的角色因為經常一下子要經歷多種情緒，極具挑戰性，但同時亦是一個極不討好的角色。問到雯女當初為何願意接拍？她認真表示：「係因為我希望嗰部戲係有意義嘅。睇番呢套劇，大家可能會明白到，當父母嘅愛唔足夠，又或者孩子真正嘅需要或感受被忽略時，係會影響到個細路仔嘅成長、甚至好似女主角咁走歪路。我覺得要我演壞人唔緊要，只要能夠令大家將重點放喺過於偏心會引致悲劇發生呢方面，咁樣已經夠。」

雯女希望為兩地「問題兒童」及父母帶來曙光及啟發，更大方透露自己與劇中女主角繁星一樣有不愉快及不健全的童年。她說：「我係爺爺嬷嬷湊大，然後幾歲嘅時候爹哋媽咪就離咗婚，所以我自細都未經歷過一個正常嘅家庭。就係因為咁，我一直都好努力，就好似『繁星』咁希望自己樣樣嘢都做得好出色，嚟彌補心入面嘅欠缺，同得到媽咪爹哋嘅認同，以致有時候真係受咗委屈，我都會全盤接受。」雯女更笑言，當自己變成觀眾觀看該劇時，才猛然醒覺自己原來跟女主角有相像的地方，故說：「所以我相信好多觀眾睇完，都會有啲位被觸動到。」