鄧上文忙湊3子暫拒拍劇　陳善之唔畀葉家寶返亞視

更新時間：17:59 2017-05-22
發佈時間：17:52 2017-05-22

鄧上文為歌唱比賽發佈會擔任司儀，同場有葉家寶、陳善之等。於今年初誕下幼子樂峰後，成為三子之母的鄧上文，笑言不會再追生B女，不過會考慮領養，亦跟老公有共識，更謂照顧三個囝囝好吃力需要體力，平時工人負責做家務，她跟老公就負責照顧小孩。她說：「今日開工由老公照顧三個仔，佢好enjoy。接工作就隨緣，視乎適合的工作，老公配合到可以出來工作。之前有人問我拍唔拍劇，我諗暫時離開唔到小朋友。」

為今次歌唱比賽香港區擔任評委之一的葉家寶認為，參賽者聲色藝好重要，自言當年曾為《未來偶像爭霸戰》做過評審。談到亞視重組中，他祝盡快重組完成。問到可會重返亞視時，陳善之聞言即說：「唔畀返去啦！做多啲唔同嘢，人要向前看，響個階段發揮晒已變成灰燼。89年佢話入亞視，已經祝佢好運。」對於可會藉此歌唱比賽捧出另一個黎明，陳善之謂黎明無得取代，要找不同元素。（攝影：鄺芷瑩）