孖祖兒經典重現《今期流行》MV 古天樂俾女圍氹氹轉
更新時間：16:43 2018-07-30
發佈時間：14:40 2018-07-30
發佈時間：14:40 2018-07-30
字體大小
古天樂同容祖兒合作拍攝廣告，搞搞新意思二次創作古仔經典金曲《今期流行》，齊齊拍MV。內容講到成班女學生跳唱《今期流行》remake版，祖兒就企上天台「告白」，呼喊：「我都係想聽古天樂唱吖！」鏡頭一轉古仔向祖兒鬧：「黐線！」再轉去Disco場景，雖然古仔無加入又跳又唱，但有美女跳舞團相伴，戴超Chok樣的古仔企在舞池中間，睇吓靚女拍吓手，已尤如漆黑中的螢火蟲，超出眾吖！
祖兒及古仔二人老友鬼鬼，古仔完成自己的戲份後，亦特意留下來等祖兒，兩人見面即雞啄唔斷，有講有笑，還攬攬合照。古仔亦有在個人社交平台上載短片，留言：「大家期待已久，2018年拍返個MV先，多謝！#幾時都流行 #今期流行 #幾時都流行_古仔落場版」。
