吳啟明開食肆「丁蟹」孖「四蟹仔」一家團聚

更新時間：10:21 2018-12-12
發佈時間：20:20 2018-12-11

四蟹仔

經典劇集《大時代》中「旺蟹」吳啟明開食肆，「丁蟹」鄭少秋與「孝蟹」邵仲衡，「益蟹」陶大宇、「利蟹」郭政鴻晚上現身捧場，「一家五蟹」廿幾年後再團聚。秋官坦言跟「三隻蟹」間中有見面，唯獨啟明已廿幾年沒見，今次再見對方，坦言感覺似一家團聚，多年不見覺得啟明依然溫文爾雅，時常陰陰嘴笑。
吳啟明笑稱「神隱」多年，因為要苦練廚藝而不現身，但現時覺得已「識識地」就再出現。他表示喜歡煮家常菜，挑戰愈簡單愈好。問到幾時再幕前演出？他自言一向做幕後，亦沒空檔再拍戲。在旁的陶大宇即謂：「份份報紙有你，仲唔係做幕前？」啟明則謂只是叼光。大宇表示四隻蟹仔跟「爸爸」秋官重聚已是call機年代，都有廿多年。
不過郭政鴻表示一直跟啟明好有緣，因為在世界各地經常碰面，當時啟明提議相約吃飯，所以四隻蟹仔上個月終於有出來聚會。啟明又提到有次跟秋官曾在台北候機室見過，當時有交換電話，但未試過約食飯。（攝影：朱偉彥）