出發前先拉筋。上月從美國回港的崔碧珈於酒店度過14日隔離期後，上周五（3日）終於期滿出關，翌日已回家陪媽咪的她表示：「雖然我而家返咗屋企，手帶已經剪斷了，但不必要嘅外出都係會盡量避免，呢段時間留在家中係為己為人、自律嘅行為，所以嚟緊嘅日子可能都會多喺屋企自我訓練，同大家互動下，互相勉勵……」話雖如此，但困足多日的崔碧珈今日都頂唔順要出街唞唞氣，熱愛運動的她首選地點，當然是人煙稀少的行山徑啦！之後跑山鍛鍊。崔碧珈仲行到邊影到邊。崔碧珈剛才於社交網留言：「由細到大都鍾意參與唔同嘅運動，6年前開始行山，亦成為我其中一種興趣，全香港好多個山都行過，但最鍾意都係衞奕信徑一段，赤柱入，陽明山莊出，同我分享下你哋鍾意行邊一段丫？聽日我又去行呀！#今日幾乎冇乜人行 #影相前除口罩 #衞奕信徑一段 #愛惜我們的家園」並分享了多張行山照，相中，穿低胸Sports bra襯瑜珈褲的她盡晒S字身材，胸前一雙36G導彈更是呼之欲出，一眾網民均大讚她Fit到漏油，有人甚至笑言：「行山遇到女神時，可能會因你而暈倒山頭，到時要馬返飛行服務隊了。」唔覺意地又晒下最強Body。網民都大讚她Fit！終於呼吸到新鮮空氣。
