今年8月，肥媽老公因肺炎和血管閉塞留醫。今晨2點50分，肥媽Maria Cordero在社交平台公布葡籍老公Rick死訊，：「My love my man RIP .see you in heaven 😭親愛的老公安息😭」Rick 3年前患上末期肺腺癌，8月時曾因肺炎及血管閉塞而住院一段時間。肥媽回覆《頭條日報》記者透露，昨早Rick因唞唔到氣入院，「今凌晨1:03就行咗啦，肺炎。」肥媽還說Rick的身後事由家人負責，「因為屋企人多大家幫忙，個個都唔畀我郁，我都說出殯嗰日先至可以出嚟，搵教堂搵神父殮房，統統都是他們做，我哋晏晝救傷車入醫院，佢條氣一路跌到1:03就行咗囉，朝頭早仲同佢食緊早餐，好難接受。」肥媽又說，「明天個仔自己去搞(身後事)，佢驚我撐唔住，出殯嗰日先通知我。」
肥媽當時為方便照顧老公，將老公的病房變成她的工作間、睡房、廚房和士多房。
肥媽於1999年跟Rick結婚。日前肥媽出席煮食節目錄影時曾透露老公的治療費超過600萬元，但情況仍不是太理想，肥媽說：「出入醫院好幾次，因為做完電療需要時間休息，佢每日都要瞓好多，起居飲食、去洗手間都要人照顧，雖然有看護喺屋企，但佢每次都叫老婆。」
