【想當年】N年前急於望兒子成家立室梁朝偉媽咪曾想撮合頭等空姐做新抱

更新時間：23:22 2021-03-14
發佈時間：17:17 2021-03-14

偉仔、嘉玲結婚13年相當恩愛。

之前前空姐阿Tsar喺Smart Travel YouTube Channel驚爆發生喺劉德華及周星馳身上嘅恐怖靈異傳聞後，昨晚又以「啷啷影帝佢至大」為題才再爆料，阿Tsar喺節目中訪問另一位前空姐(化名囝囝)，囝囝現身說法憶述多年前梁朝偉媽媽好想撮合她做新抱仔經歷。

呢個經歷令囝囝一生難忘，話說當年她係經理級空姐，負責招呼頭等客艙乘客，她負責一班由東京返香港航班，當時喺機艙門等上客時經已遠遠望到一位蠻有自信，戴住眼鏡短頭髮，打扮平凡的太太上機，她帶對方安坐時，太太好nice答：「唔該。」相當有禮貎令她留下深刻印象。而飛機起飛她就招待對方，太太每次都禮貎地講句「唔該。」

58歲嘅偉仔依然有電眼，迷人到殺死人。

偉仔同華仔近期忙拍電影《金手指》。

直至空姐放飯時間，她上前跟太太閒談，以為太太會她分享旅行趣事，豈她劈頭第一句就有感而發話：「其實我都唔想一個人去旅行，但個仔工作時間好忙，只係畀咗錢我坐頭等去玩，不過我寧願個仔搵少啲錢，多時間陪我...」對此，囝囝表示同意，跟太太說：「其實我都係咁諗，搵夠基本就得啦！錢搵唔晒，忽略家庭最終唔快樂。」太太聽完囝囝講法好「滾動」，望住囝囝說：「其實我哋傾咗咁耐，大家想法一樣，你個人好真，好鍾意你...」語畢追問：「你有冇男朋友？我想你做我新抱，唔知你有冇興趣？」

囝囝當時心諗：「呢位太太打扮平凡，個樣普通，同一師奶冇異，聯想唔到佢個仔係點，不過睇吓相又冇妨。」點知睇咗相嚇死她！她笑住形容：「嗰刻我即刻想同我老公離婚，叫佢做奶奶，原來佢個仔有一雙電眼，係『電眼啷啷影帝』(電影《色戒》)」。原來「電眼啷啷影帝」妹妹當時爬頭已婚，所以媽媽有點心急。打後囝囝在機上都招待過「電眼啷啷影帝」，對兩母子都叫有緣份，她更大讚兩母子都好有禮貎，每次都會除下耳筒，望住空姐來回應。