新歌MV為陳漢娜獻出第一次 Anson Lo突破尺度谷肌出浴

更新時間：14:23 2021-07-08
發佈時間：12:39 2021-07-08

Anson Lo人生第一次拍MV有女主角。

人氣男團MIRROR成員盧瀚霆（Anson Lo）昨日（7/7）26歲生日，除獲粉絲大肆慶祝外，還推出年度第二首個人歌曲《不可愛教主》，暖男Anson Lo笑言新歌是「特備禮物」：「呢首歌唔係送畀自己，係送畀神徒嘅生日禮物。上次出歌已經係一月尾嘅事，所以好想喺生日正日，同fans有一個遙距嘅共同回憶。」
作為劇集《大叔的愛》片尾曲，Anson Lo表示這歌從劇集角度出發，記載「阿牧」的心路歷程。至於這歌MV對他來說屬全新體驗：「出道以嚟我嘅三首solo作品都係跳唱形式，MV一定同跳舞有關，但係今次採取全劇情式拍攝，我諗fans同觀眾都會幾驚喜，見到一個唔同嘅Anson Lo。」
為配合歌曲設定，團隊特地情商陳漢娜（Hanna）擔任MV女主角，不過Anson Lo竟直呼緊張，更自爆為MV獻出「第一次」：「人生第一次拍MV係有女主角，最難忘係同Hanna頭貼頭嘅場面，因為喺我嘅演藝生涯中，第一次同女主角有咁貼身嘅接觸，當下真係好緊張！排戲時都有啲尷尬，但係拍攝當日，我感覺到Hanna嘅專業，每一個機位佢都做到100%；佢亦為咗MV專程學舞，真係好辛苦佢。」

Anson Lo讚陳漢娜為MV專程學舞。

第一次同女主角有咁貼身嘅接觸。

除了與Hanna唯美共舞，Anson Lo還在MV中突破尺度，大晒結實胸肌，實行向神徒派糖！對此他亦直認：「今次有啲鏡頭比較大膽，例如露背肌、甚至沖涼，對我嚟講算係幾大尺度！最近無乜時間操練，演唱會後只係做過兩次gym，真係好驚冇嘢畀人睇，所以拍攝展示身材嘅場面之前，我就不停做掌上壓，埋位前都要做多幾下。」
對於《大叔的愛》引發全城熱話，Anson Lo坦言感激觀眾支持，亦視劇集為演藝事業中的一個標志：「我覺得《大叔的愛》係一個里程碑，睇到自《男排女將》之後，自己有乜嘢唔同嘅改變。見到大家鍾意《大叔》、凌少牧，真係畀咗我好大信心。」與喜劇有緣的Anson Lo亦透露，首部主演電影《假冒女團》有望在今年上映，期待為觀眾展現不同面向。