港聞

娛樂

最Hit

即時

中國

國際

星島申訴王

財經

地產

生活

健康

教育

體育

大灣區

專欄

馬經

PLUS

【頭條獨家】獲美國傑出打星獎陳鈺芸最想演發哥保鏢

即時娛樂

更新時間：01:06 2020-12-04
發佈時間：00:51 2020-12-04

陳鈺芸獲「武打影星傑出表現獎」，成為功夫片搶手貨。

功夫女星陳鈺芸(JuJu)之前憑美劇《五行刺客》、西片《HOLLOW POINT》及港產片《九龍不敗》於洛杉磯美中企業家商會中得到「年度武打影星傑出表現獎」，雖然身價升咗，但疫情下乜都停晒，JuJu同老公把心一橫揼本自資，製作功夫真人騷節目，她更挑戰自己做埋監製、主持兼顧問，希望殺出一條新血路，節目長拍長有。採訪：方騫平場地：Hybrid MMA & Fitness 髮型：BRUNEBLONDE 服裝：SUPERDRY 鞋：iiJin

JuJu兩公婆與真人騷中參加巴西柔術的參賽者合照。

JuJu跟巴西柔術「魔鬼教練」練習中，而巴西柔術有唔少身體接觸。

功夫真人騷節目由陳鈺芸老公司徒永華(Antony)跟另一位製作人合資，出錢又出力，陳鈺芸說：「我哋兩公婆喺今年3月返嚟，疫情下半年都冇嘢做，惟有諗吓有乜可以製作，最後搵嚟製作人合作拍攝功夫真人騷。真人騷分巴西柔術、柔道、跆拳道、詠春、泰拳五組功夫，考驗每組6位從未接觸過打功夫，唔同職業及國籍嘅參賽者，睇吓佢哋打咗功夫一個月後有乜改變，然後再提出小考驗。」反應好的話，希望再拍到第二輯。

JuJu好想同甄子丹拍打戲，大讚他有要求。

JuJu喺《卧虎》中曾跟楊紫瓊合作過，但就同一陣線，冇對打場口。

子丹霆鋒亦好欣賞
JuJu得到「武打影星傑出表現獎」後坦言有美劇及兩部片約喺手，但未知幾時可以復工：「有獎對我係有幫助嘅，但冇話要加價，價錢唔係大問題，最想主演嘅功夫片成為代表作，得到認同經已好開心。老公都有幾個劇本為我度身訂造，睇咗都幾鍾意。」JuJu未來最想同偶像發哥(周潤發)合作，「佢喺電影《卧虎藏龍》都有少少動作戲，我好欣賞佢，或者有機會嘅話，由我嚟保護呢位『賭神』！如果真係要對打嘅話，好欣賞甄子丹及楊紫瓊嘅專業，喺《卧虎》曾合作過，但冇對打過，甄子丹個人好有要求，所以會拍得好靚；至於謝霆鋒唔止煮嘢叻，佢身手靈活，其實拍動作戲都幾型，而一齊喺美國發展嘅吳彥祖都好正。」