呂爵安支持姜濤過檔ERROR：其實佢都玩得好癲

即時娛樂

更新時間：22:47 2021-08-10
發佈時間：19:45 2021-08-10

陳欣妍與Edan為動畫配音。

呂爵安（Edan）、陳欣妍（Shirley）今日出席動畫電影慈善首映禮，吸引近千粉絲到場，逼爆6層商場，Edan現身全場興奮尖叫，Edan表示因配音前剛完成拍攝《調教你MIRROR》，在營內食很多煎炸食物，又嗌又唱歌，玩得癲令致聲爛，首日配音便要請假，他亦會多加留意懶音問題，希望慢慢進步。問還想配甚麼角色？Edan笑言想配寵物小精靈，因精靈的對白全程只是說出名字，考驗說同一個名字有不同情緒，而Shirley希望配蠟筆小新。

此外，談到花姐打趣笑言讓姜濤加入ERROR擔任隊長賀Dee哥生日，笑問Edan會否放姜濤走？他笑說：「都好，放佢走啦。唔好睇姜濤係偶像派，其實佢都玩得好癲，佢都可以係ERROR。我哋唔單止得型一面，仲有好貼地嘅一面，如姜濤過去，我都非常支持。」對於有指MIRROR吸金力強有望為公司轉虧為盈，他希望公司轉虧為盈才可以加人工，坦言其收入較初出道多很多。問夠錢買樓？他說努力儲錢中。到場嘉賓還有翁嘉穗、黃百鳴、蔡加敏、鄧宣宏雁等，翁嘉穗帶同6歲細仔來睇戲，笑指囝囝有性格不愛拍照。