馬德鐘見徐榮扮女人高呼「醜樣」 湯洛雯35歲生日放男友去踢波
更新時間：18:30 2022-04-30
發佈時間：18:30 2022-04-30
發佈時間：18:30 2022-04-30
字體大小
馬德鐘、湯洛雯、陳煒、何廣沛、姜大衛、賴慧玲、徐榮、陳庭欣、黃子雄、梁証嘉等今日為新劇《雙生陌生人》宣傳。馬德鐘扮傻仔跳紥紥出場，先後依偎在湯洛雯和陳煒身邊，最後徐榮扮成湯洛雯劇中角色來擋駕，馬德鐘見到徐榮扮女人直說：「醜樣！」更爆徐榮在劇中以傻仔角色抽女演員水。
5月6日是湯洛雯的35歲生日，大會特別預備生日蛋糕為她提早慶生。湯洛雯透露男友馬國明剛拍攝完劇集《法言人》仍在香港，她笑稱生日當天仍未落實會做甚麼，不過，應該會和男友一起，她說：「佢要踢波，依家做個好女友要畀男友去踢波，（女友生日緊要？）球場好耐冇開，佢依家要喪踢波。（他不是一個會有驚喜給你的人嗎？）唔係，我鍾意節日有驚喜，但佢就係一個突然睇到一啲嘢覺得窩心就做，生日驚喜就係乜都唔做，我哋相處嘅方式唔係節日當天給予驚喜嘅。」
陳煒、馬德鐘同湯洛雯一齊做訪問。
三人為新劇《雙生陌生人》宣傳。
年過半百嘅馬德鐘樣貌、身形都Keep得好好。
徐榮反串扮劇中嘅湯洛雯，搞到扮儍仔嘅馬德鐘話想嘔。
問到陳煒是否經常收到未婚夫送上的驚喜？她說：「唔講你知，每個人都鍾意畀人𠱁，（是否求婚時最驚喜？ ）與今日無關，日後再講。」至於馬德鐘是否常送驚喜給太太？他笑言：「正日唔做就係驚喜。」此外，陳煒透露在戲中與馬德鐘有一場床戲，是她從影以來最性感的一次，當時她穿的是絲質很薄的睡衣，還要在床上滾動，多得馬德鐘保護遮掩重要部位。問到馬德鐘當時雙眼視線放在哪裏？他笑言：「要反白眼。哈哈！」
陳煒透露在戲中與馬德鐘有一場床戲，係佢從影以來最性感嘅一次。
大家為靚湯預祝生日。
靚湯話生日，應該會放男友馬國明出去踢波，真係好體貼。
更多第5波疫情資訊，請到以下專頁瀏覽按此
立即下載 | 全新《星島頭條》APP : https://bit.ly/3yLrgYZ
最Hit
徐淑敏再添新成員湊成「好」字 豪搞百日宴晒幸福：最好的禮物！
2024-11-06 19:00
《放學ICU》監製曾廣平不幸離世 「Gordon哥哥」蕭徽勇發文宣佈噩耗
2024-11-05 18:37