獨家丨王嘉慧獲贈添觀眾緣秘技拍前輩梁思浩主持《通靈之王》

更新時間：06:00 2022-07-15
發佈時間：06:00 2022-07-15

王嘉慧（Cathy）去年參加港姐以大熱姿態，順利打入五強，並獲TVB簽約入行。踏入娛圈不足一年的Cathy，除固定演出《愛•回家之開心速遞》和《東張西望》外，還有幸拍劇跟視帝黎耀祥合作，最近更拍住梁思浩主持真人騷《通靈之王》，跟前輩好好偷師。採訪：杜杜攝影：林建安　髮型：Hair@Festival Walk　場地：PHENOMENON　WINE·DINE(The ONE)

Cathy很感激梁思浩教導，每次錄影前還會細心幫她對稿。

Cathy在《愛•回家之開心速遞》飾演接龍集團市場部職員Gina。

參選港姐時，Cathy 表明志願是「成為有感染力的演員，對社會作出貢獻，發放正能量」，終於正式成為藝人，她坦承感覺好神奇，特別是有機會參與新劇、《法言人》、《四十二章經》及《輕功》等演出，最難得在《輕功》一場戲中戲中，有機會跟前輩黎耀祥演對手戲，「可以近距離觀摩到佢嘅演技，佢好犀利可以一秒入戲，好快入到個情緒，仲可以帶動到我，真係好開心一嚟就可以同啲咁資深嘅前輩合作。」

Cathy跟同是去屆港姐出身伍韻婷（Juliana），與梁思浩一同主持《通靈之王》。

去年Cathy參加打入五強，並奪得「健美體態佳麗奬」及「Beauty Story大獎」。

承認有港姐包袱

拍劇有機會偷師，Cathy 主持新節目《通靈之王》更加全程得到前輩梁思浩照顧，令她獲益良多，「佢由第一集開始已經分享佢嘅經驗畀我聽，譬如點樣發聲，以為做就咁講嘢就得，佢會教我哋要諗對住觀眾講，定係對住自己講，兩樣講嘢嘅方法係唔同，點樣令到鏡頭前嘅觀眾feel到淨係同佢講緊嘢，佢教我哋咁樣對增加觀眾緣好有幫助，同埋佢每句台詞都分開唔同嘅情緒同講嘢方式，佢都有好多嘢要記，但每次拍之前都會叫我哋讀一次畀佢聽，幫我哋執吓要點樣講，啲好細微嘅位都照顧到。」