羅家英舊片出土爆汪明荃女追男甜笑重提：攬住錫咗我一啖

更新時間：11:00 2022-09-22
發佈時間：11:00 2022-09-22

羅家英與老婆汪明荃於1988年首度合作演粵劇，二人翌年正式拍拖，並在2009年簽紙結婚，相知相愛長達33年。近年二人更經常在社交網貼相放閃，ATV的抖音帳號更「出土」多條陳年訪問片段，當中包括家英哥接受主持周梁淑怡訪問，其間被問到感情事，問他與阿姐究竟由誰主動追求。

【點擊逐格睇羅家英點答】：

佢唔俾機會追都追唔到

家英哥在訪問中，最初不太願意講追求話題，又指自己講真話無人信，講假話時大眾又當是真事，最終在周梁淑怡多番追問下，家英哥才稍為透露，叫大家試想一下：「阿姐係有錢、又靚、又有地位、又有名譽，我只係做大戲，雖然我有少少錢、少少名譽、少少地位、亦都生得唔錯，但大家都係格格不入。佢個種高度，如果佢唔低少少我點攀上去，要互相你就下我就下佢，如果佢唔暗示唔應承，唔俾機會嘅話，我想追都追唔到啦。」

主持即食住上追問是否由阿姐做主動、畀咩暗示？家英哥說：「主動好似係佢，佢問我鍾唔鍾意佢，呢句唔係。咁佢佢第一晚、做完一套戲，第一次同佢合作，嗰套叫《穆桂英大戰洪州》，佢嗰日生日，咁好開心，佢走過嚟着紅色褸，包住個頭，攬住錫咗我一啖，話好多謝我，咁就開始囉。」家英哥一邊講一邊甜笑，睇得出好幸福。

【其他閱讀】：

王祖藍以4580萬沽白石角豪宅賺逾800萬留同屋苑逾億單位畀李亞男

駱達華月花逾40萬培育囡囡做學霸讀上海最貴國際學校識彈古箏大提琴

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ