「男神磁石」童愛玲由黎明到姜濤都合作過：親生仔似姜濤咁就好啦

更新時間：23:00 2022-10-28
發佈時間：23:00 2022-10-28

《季前賽》中，首次同姜濤合作的童愛玲一向被稱為「男神磁石」，由黎明到姜濤都曾合作，她笑言姜濤電力十足，開心與對方合作，她指：「我覺得好幸運，由Leon到姜濤都可以合作，今次最大挑戰係佢做我個仔，咁好嘅一個仔點會唔要佢、捨得對佢差？我將所有母愛都比晒佢啦，呢個真係最大挑戰。我親生仔細過姜BB，冇佢咁乖咁生性，佢好似姜濤咁就好啦。」

【點擊睇東東搞鬼造型】：

之前已經在劇集《男排女將》中合作的Edan同193今次再度合作，Edan自爆與193劇入面有親密關係，Edan稱：「193角色同現實一樣，都係成日語無倫次！上次同佢合作係《男排女將》，仲要冇咩對手戲，加上當年大家新人對拍劇冇咩認識，希望今次有新感覺畀大家。」 193於劇中任職倉務員，他指以前做Sales常到倉工作，自爆被舊上司嫌棄。193笑指：「舊時我公司要好整齊，我就成日着『瀨屎褲』露晒啲底褲出嚟，經理睇唔過眼就點我入倉，咁其實都輕鬆嘅。而家做嘢認真好多，我為呢部劇加操咗好多，得我同張繼聰練咋，你就知我幾咁勤力。」193為呢部劇剪短頭髮，仲話夾埋髮型師呃導演，成功保住前額，仲大讚自己後生咗。