毒舌大狀｜王丹妮名模變囚犯殘到慘不忍睹極深黑眼圈腳甲手甲綑黑邊

更新時間：18:30 2023-01-25
發佈時間：18:30 2023-01-25

黃子華主演的賀歲片《毒舌大狀》截至昨日（24日）年初三，票房已大收逾2,641萬。模特兒出身的王丹妮去年憑住《梅艷芳》獲得香港金像獎「最佳新演員」，今次是她第二度擔正拍電影，戲中的她飾演的監犯「曾潔兒」，角色跟她同樣是屋邨出身的模特兒，兼且有個囡囡，不過她在戲中被指誤殺女兒，坐足兩年冤獄，為求迫真，王丹妮不單素顏上陣，更要特地化醜妝變殘。

【點擊睇王丹妮扮醜】：

王丹妮在戲中由名模淪為階下囚，今次她務求搣甩上套擔正的《梅艷芳》，食煙、化醜變殘樣通通有齊，塑造出由名模成為犯人的強烈對比感，王丹妮不單素顏上陣，更專登搞殘自己，她日前曾受訪表示：「再化多啲黑眼圈，令皮膚質感、毛孔再粗啲，啲頭髮倒梳兼灑多啲鹽粉令佢打晒結，就連手指腳指甲都綑晒黑邊，因為角色當下情緒，面對咁多嘢唔會再想理乾淨，係好放棄自己嘅感覺，而外在呢啲嘢令我更加投入角色情緒。」

戲中王丹妮需要用手語跟囡囡溝通，她特意去上手語初級班並獲頒畢業證書，意外解鎖新技能。由於角色太過壓抑及沉重，她除了跟導演吳煒倫研究外，更自費找來資深舞台劇演員兼導師邵美君學戲，導演亦特別安排在她沒有戲份的日子到拍攝現場，觀察法庭戲份外，亦感受黃子華做戲張力，做她翌日拍攝做準備，而她今次即使面對黃子華、謝君豪的精湛演技，演出激動戲份亦備受讚賞。

【其他閱讀】：

劉鑾雄女兒劉秀盈自爆離港講再見疑避是非往英國生活隨時移民？

劉德華妻億萬千金表妹誕子湊成「好」字兼擁30億身家係人生勝利組

陳山聰2歲囝囝著皮草加豹紋連身褲過年一文睇Jaco百變形象GUCCI Polo恤型過爸爸

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ