獨家丨SoulJase@C AllStar唔想出錢買遺憾 做獨立歌手兩年覺得自己好無知
發佈時間：07:00 2023-05-09 HKT
SoulJase@C AllStar（何建曦）以獨立歌手身份推出第2首派台歌《苦艾之吻》，入行14年的他近兩年努力創作歌曲，更拉埋歌迷組應援隊幫手搞製作，希望一齊成長。8月將演出音樂劇的SoulJase，想向填詞方面發展。採訪：杜杜 化妝: Sara Chu 場地:THE WAVE
SoulJase去年開始以獨立歌手行走樂壇，因對製作有執着，不想被限期框死，「做咗咁多年好明白，逼到埋嚟冇空間去諗清楚好多嘢，我想獨立嘅原因就係所有歌曲盡量做到冇遺憾，我自己掉錢出嚟唔通要買個遺憾咩？！」所以本打算情人節推出的《苦艾》，因編曲想做得更好，結果一拖再拖。
8月同小肥演音樂劇
做了獨立歌手兩年，SoulJase較以往學到更多，「原來我做咗咁多年都係好無知，連派台嘅嘢都唔清楚。」除了自己進步，他亦希望歌迷跟他一同成長，於是成立應援隊「大茶飯社團」參與製作其作品，「我冇工作人員，fans想幫咪畀佢哋幫，畀個experience佢哋感受吓，有啲cover片或者製作花絮都係佢哋幫我拍，佢哋唔識影相拍片，我會安排workshop教佢哋，慢慢見到佢哋成長，佢哋參與係無價，我都好開心可以同佢哋一齊做，見證住佢哋短時間內成長。」
SoulJase以往只專注歌手工作，未來希望多嘗試其他類型工作，8月將與好友小肥一齊演出音樂劇，「C AllStar好耐之前做過音樂劇（2011年《摘星天梯》），但我一個做音樂劇嘅主角係第一次，佢哋搵我都好癲，我唱到都話，演到先癲嘛！」他還希望多在填詞方面發展，「我係鍾意文字嘅人，但寫小說去到樽頸位，今次啲歌都係由小說延伸出嚟，概念都係同個主角有關，所以寫歌詞反而做到，希望今年可以寫到10首歌，不論係幫自己定寫畀人哋。」
《星島頭條》新網站有更多精彩內容：http://www.stheadline.com/
