母親節丨眾星晒阿媽合照「餅印」成焦點黎姿母女對話感溫馨文詠珊三年冇慶祝拖貴氣媽出巡瘋狂打卡

更新時間：19:00 2023-05-14
發佈時間：19:00 2023-05-14

今日（14日）是一年一度的母親節，雖然天氣麻麻，大部份時間天陰有雨，但依然無損一家男女老幼外出慶祝這個節目的心情，有不少藝人亦有在社交平台貼上與媽媽的合照，分享母女間溫馨的故事！一如往年，大美人黎姿今年亦有分享與「餅印」媽的合照，還有小時候被媽媽抱着影相的相片，當時黎姿已經亦盡得真傳，遺傳了媽媽獨有的氣質！因為疫情關係，主力在內地拍劇的文詠珊（Janice Man）亦有一段時間未有返港，難得今年終於可以與媽媽慶祝，文詠珊安排了連串節目與媽咪慶祝，兩母女站在一起，似姊妹多過母女，文媽媽的「貴婦look」，更加成為焦點！

【點擊睇「餅印」母女貼圖慶祝母親節】：

大美人黎姿今次一口氣貼了多張母女合照，其中一張是她與囡囡的合照，整體感覺很溫馨，她亦有留言說：「記得細個時，媽咪同我講得最多就是『食多啲嘢飲多啲水；著多件衫唔好冷親；小心睇車過馬路』，想不到這些現在都成為我同囡囡的日常對話。轉眼做了媽咪十多年，逐漸體會到這幾句不斷重複的普通說話，其實是媽媽打從心底最樸實的關懷，每一句都充滿愛。感覺好似將媽媽畀我的愛傳承下去，輪到我用愛繼續陪伴女兒們成長。謝謝親愛的媽媽，祝每一位媽媽母親節日快樂！Happy Mother’s Day !」

文詠珊的感受亦相當濃烈，她亦有留言：「今年嘅母親節終於可以陪你過啦！仲要慶祝補返咁多年
，好耐無試過我地嘅二人晚餐，真係好開心又感動又講不完嘅話題。好感恩一直有你喺我身邊，默默支持住我、照顧住我，這段時間，一直有你嘅滋潤湯水，我嘅內心真係感到無比幸福。世上真係媽媽最偉大，謝謝你所付出的一切，你是一位最顧及別人感受、最善良、最美麗的媽媽！也感謝你成為我最好的朋友！Love you more than everything！Happy Mother’s Day 」

除了黎姿和文詠珊外，名模Janet Ma、郭晶晶、黃美棋、高海寧、張美妮、龔慈恩、黃淑儀、劉穎鏇、寇鴻萍以王子涵亦分別貼上與媽咪又或者女兒以及兒子的合照，溫馨之餘，亦可以感受母系基因的強大！