一舞傾城丨李婉華突發開Live直斥王晶對人不對事：做人要對得住自己
發佈時間：17:00 2023-06-05
日前李婉華、杜挺豪、林子博日前在直播網台節目《豪華博客》討論王晶監製的TVB劇集《一舞傾城》劇情教壞細路，不斷強調「賣處」，其後王晶在微博留言反擊李婉華：「我一向很少為自己作品的被評論辯解，但這兩天看到竟找了一個過氣四線，一個走路（佬）黃絲十八線來批評，我激到笑！」今日李婉華等人突發開直播，直斥王晶對人不對事：「我對佢今次嘅反應好失望，好失望，真係非常之失望，痛心疾首，完全好難接受。」
【其他文章】：一舞傾城丨李婉華怒斥「教壞細路」 王晶反擊過氣四線：TVB屎戲之王
【點擊睇李婉華反擊】：
目前身在香港的李婉華，表示當時在鴨寮街行街時收到知道此事，最初笑笑口說：「我好敬老，尊重前輩，話晒佢搵我拍過戲，原來佢話我啲戲咁屎，我仲以為自己演得好好。我好似拍過2、3套，唔記得喇，因為我敗走溫哥華，不過係人都知我係移民，唔係敗走。」她再三強調係評論其劇集，而不是評論王晶個人： 「我哋不嬲都好理智，係講緊件事，而唔係佢套戲，其實佢有冇聽架？我不知幾尊重佢，對於香港電影咁有貢獻，拍過無數電影，喜歡唔喜歡都係有做過，鍾唔鍾意睇就見仁見智啦！」
強調係針對劇情
李婉華認為王晶並不理性：「我哋係對事，佢係對人，唔好嬲，錫番先。」接着與林子麥異口同聲地稱沒有評論過監製、導演甚至TVB：「只係純粹講套戲，針對播放時間，因為嗰個係合家歡時間，呢套劇唔係好適合喺呢個時段出現。」李婉華表示看到「賣處 」劇情，就覺得要發表意見作出批評：「我唔係集集睇，只係咁啱睇到嗰個劇情，覺得好有問題，對社會有啲傷風化。你覺得有娛樂性咩？係低級趣味，而家擺喺電視台， 係冇人有得選擇，最多咪熄機，其實係影響埋間電視台。我冇針對過邊個，我又唔知邊個寫，唔知邊監製，唔知晶哥喺呢套戲嘅角色係啲乜嘢，只係睇到劇情，我作為家長，喺大氣電波睇到剩係一個『賣處』講咗10幾分鐘，不停無限loop，我只係講呢樣嘢，點解唔可以講？我只係針對呢個所謂嘅劇情，係唔應該擺喺電視台。」
個女唔明咩叫『賣處』呀？
李婉華又說：「我個女睇完電視就用半鹹半淡中文問『媽咪，咩叫『賣處』呀？點解阿媽要喊住賣處呀？」點樣講呀？解釋完畀佢聽都唔明，呢段戲真係好有問題。」林子博亦反問本身在內地有拍劇的王晶，這橋段在內地有是否可以上映？李婉華深表認同：「而家我哋國家對社會責任睇得好緊，好以嚴打失德演員，我覺得做人要對得住自己，本來我都唔係針對佢（王晶），但係而家佢咁樣鬧人，真係唔得喎，自己冇control。我哋完全冇諗過要人身攻擊佢，我對佢今次嘅反應好失望，好失望，真係非常之失望，痛心疾首，完全好難接受。」
【其他文章】：
5位女神級主播齊貼20歲舊照青春可愛 呢個小花10年前已晒長腿勁吸睛
謝婷婷潛水三個月突現身報喜 晒小麥色靚肌Fit到爆運動健將曾與天后對打
細細粒陳嘉佳暴瘦體重跌穿100公斤 雙腿纖幼網民羨慕等睇變靚樣
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
