梅小青入醫院老公兒子全程陪伴 曾患膀胱癌腦血管塞栓退休弄孫為樂
發佈時間：20:30 2023-06-09
現時69歲的金牌監製梅小青自出任2020年播出的劇集《法證先峰IV》總監製後，宣布退休，而劇集亦創下最高40點的收視，為梅小青退休之作畫上完美句號。而當年梅小青冒住生命危險完成作品，她曾在訪問上自揭曾經患初期膀胱癌及腦血管塞栓，兩度走過死門關。前日（7日）梅小青在社交網貼出再度入院的照片，老公劉家豪及兒子劉鎮然陪伴在側，梅小青大方透露健康情況。
【相關閱讀】：溏心風暴Re-U丨關菊英罕有攜同性密友現身！傳Willy家族資產逾20億擁逾千萬跑馬地豪宅
【點擊睇梅小青入院最新情況】：
換上舒適類似睡衣病人裝束的梅小青，臉色相當好，望住鏡頭舉起V字勝利手勢，又與老公及兒子影全家福，另一張則是與兒子自拍，以及多張與醫生的合照，看起來心情愉快。梅小青留言：「今次的體檢不止過關，還有很大的進步，真是開心。胡醫生說最不擔心我，因為我不諱疾忌醫，早防預，早醫治，我說因為我要享受生活，享受親情友情；愛要及時，治療要及時 #多謝胡國樑醫生的專業細心照顧 #多謝囝囝請假陪伴多謝老公接送」。
梅小青去年11月接受鄭丹瑞的《健康旦》訪問時，首度自揭兩患重病，她表示在麗的工作10年，在TVB更工作了26年，再轉去NOW工作4年，而當時轉新工福利好好，在2012年就去做身體檢查，因當時感到小便窒窒下，以為有細菌感染，怎料到泌尿科睇報告時，發現膀胱有腫瘤，醫生表示膀胱有腫瘤都不是好事。之後再老公陪同下接受治療：「抽組織化驗確認係膀胱癌初期，手術後出院係十號風球，第二日返工喺NOW要行3層樓梯，本身有諗過同何麗全講，但怕將所有嘢交晒俾家豪哥做，想並肩作戰所以患病無同人講。」之後她要去橫店拍攝王珞丹、林峯、周勵淇主演的中港合拍古裝宮廷劇《衛子夫》，在45度下高溫下拍攝，捱過每三個月一次的治療，直到康復。
之後返TVB監製劇集《宮心計2深宮計》，梅小青發現耳朵嗡嗡聲，醫生指她的耳好弱，又覺得自己說話時口齒不清，頭昏腦脹：「後來檢查醫生指我腦入面有條血管95%塞咗，身體...佢唔想我有事，所以啲血好用力咁泵上去，所以先發出啪啪聲令我聽到，其實身體係不斷提醒我。人地通波仔通個心我係通個腦，剩返最後2集《深宮計》未剪好，個個叫我即做手術，我講咗句條命係我嘅畀我自己做決定啦。」幸而最終手術順利。
梅小青從事劇集監製逾40年，經典作品數之不盡，包括有《原振俠》、《洛神》、《法證先鋒》系列、《宮心計》系列等，經歷兩次大病後，梅小青聽從兒子建議退下火線，《法證先鋒IV》是她監製的最後一部作品，之後多留時間跟兩個孫兒相處：「健康好重要，上天畀兩次機會我，我更加要好好珍惜我生命，去幫忙要幫嘅人。」
【其他文章】：
余慕蓮獲容天佑提早一個月慶祝86歲生日 曾於ICU留醫現精神好反應快
68歲周潤發上海晨跑變多人運動 背心仔凸顯鋼條身形獲讚魅力不減
69歲鍾偉強激罕露面 撼贏張國榮後轉行賣保險 大難不死再戰《中國好聲音》爆紅
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
