死有對証丨馬貫東入行17年首次做男一 要靠「前輩」陳曉華帶入戲
發佈時間：16:50 2023-06-30
馬貫東、陳曉華（Hera）、吳若希（Jinny）及韋家雄等今日（30日）到將軍澳出席新劇《死有對証》（暫名）造型暨拜神，今次是馬貫東入行17年首次做男一，他表示心情既緊張又興奮亦覺得相當刺激嘅，就像讀書時考會考一樣：「都要多謝公司俾機會我去試自己嘅實力去到邊，當然我會用最大嘅努力去爭取呢個機會，17年第一次踏上呢個位置，所以都有啲緊張。」
【相關閱讀】：香港小姐2023丨前港姐衣著逐個睇！馮盈盈露肩瘦到見骨腋下疑現黑印 陳曉華邢慧敏各有各性感
【點擊睇《死有對証》試造型靚相】：
馬貫東笑指女主角陳曉華已是前輩，要她好好帶領，身旁的陳曉華聽後即否認並指有大前輩韋家雄，兩人在劇中也是一對，不過就經常狗咬狗，問到是否有親熱場面？馬貫東表示暫時未知，但劇中他本來已有女友王菲，但自陳曉華出現後就關係有變。在劇中做法醫的陳曉華指今次挑戰很大，有時間也會看劇本，皆因角色有強迫症，為此她更特別買書去了解：「我喺劇入邊比較乾淨，少少覺得最高難度喺呢樣嘢，因為我個人比較烏歪，大概半個月前開始整理吓自己嘅嘢。（本身冇？）可能食嘢，例如我見到啲嘢食擺咗喺枱，有幾多我就要食幾多，一定要喺5分鐘之內食晒佢，如果食唔晒我就會好辛苦。」提到劇中要解剖，她就表示很期待，因以前讀書最叻就是解剖，就算不用溫書也拿A，所以今次能演這個角色覺得很開心。
劇中另一女主角吳若希在劇中飾演一個由時尚版轉做港聞版的記者，她透露活動完結後要飛奔去會合仔女，因早已答應暑假會帶他們去旅行，但因之後要拍劇的關係，所以提前出發。她又指今次肯犧牲於暑假接劇，主要是因為角色可以讓她發揮其諧星的小宇宙，而在劇中會負責搞事，亦會涉及靈異事件中，故非常期待。對於今次將會與阮浩棕湊成一對，她大讚對方靚仔並笑言：「對住屋企嗰個（老公）我搞唔掂，返工對住啲靚仔開心啲。」而她又謂知道阮浩棕是已離故演員梁舜燕的孫仔後，令她懷緬過往與燕姐相處時的點滴。
【其他文章】：
非常檢控觀丨馬德鐘遷就場地問題以免阻礙進度 55歲生日工作中度過
非常檢控觀丨吳大強首拍劇靠囝囝帶入戲 吳偉豪驚嗲哋表現太好搶飯碗
《星島申訴王》100集誕生之我最喜愛影片票選，由6月16日至6月30日，玩遊戲贏取總值超過10萬豐富禮品！
立刻點擊投票👉🏻https://tinyurl.com/38dfzwtv
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
