72歲前麗的小生劉緯民出山拍劇似新人 淡出38年變珠寶大亨
發佈時間：11:00 2023-07-15
現年72歲的劉緯民1985年退出娛樂圈後，進軍商界成為珠寶大亨，近年處於半退休狀態的他雖然曾受訪表示無意復出，但近日客串正在開拍的《逆天奇案2》，在劇中飾演陳展鵬爸爸。片段見到劉緯民着上西裝樓加裇衫，官仔骨骨坐在「法庭」的旁聽席上，與黃智賢、林夏薇、李國麟身邊，雖然已經久未有拍劇，但劉緯民依然交足戲。
【相關閱讀】：72歲前麗的小生劉緯民官仔骨骨罕現身！進軍商界變珠寶大亨 曾傳戀白雪仙至今未婚
【點擊睇劉緯民出山拍劇】：
劉緯民接受TVB娛樂新聞台訪問，透露今次復出全因《逆天奇案2》監製劉家豪：「監製劉家豪話要出嚟見吓面，哈合。佢話幫手客串下，做陳展鵬爸爸。」問到是否有戲癮，劉緯民表示：「已經30幾年，而家拍攝同以前唔同，所以覺得自己好似新人，咩都好似好新咁。」劉偉民又說：「而家佢哋嗰代，同我哋唔同喇！佢哋而家拍攝好似電影方式，同以前喺studio成場戲，一場過，講錯一句對白要成場嚟過，而家好似輕鬆咗啲咁。」問到今次過完戲癮，之後會否再返TVB拍劇，劉緯民則笑說：「我驚拍完之後啲監製都耍手擰頭。」
曾表示無意復出
前麗的小生劉緯民1976年憑劇集《大家姐》中的「昌少（姑爺仔）」一角爆紅，之後又拍過《變色龍》及《奇女子》等多部經典劇集。不過於1985年事業如日中天之際，選擇劉緯民退出娛樂圈，之後創立珠寶公司，成為珠寶大亨。他曾受訪表示無意復出，因為他希望擺脫藝人影子，增加合作夥伴對他的信賴度，不想令人感覺像戲子。
劉緯民幾年前曾受訪分享急流引退原因：「香港唔係好似外國70歲仲可以做男主角，當時覺得唔可能再飆升到自己滿意位置，係咪值得再留戀呢個圈子？一個男人到40歲如果冇自己事業，過咗40歲之後一事無成就會頹，如果喺娛樂圈做到唔如意，嗰個年紀先轉行就變得兩頭唔到岸，不如早啲腳踏實地，做戲睇唔到自己將來。」劉緯民亦表示沒有後悔轉行。
【其他文章】：
逆天奇案2丨梁小冰陳嘉輝夫妻檔開工興奮一齊食飯盒 拍劇不用16歲兒子批准：成日叫我哋拍拖
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
