蔡卓妍分手｜三個月內報復式外遊走訪泰韓瑞士家人朋友輪流陪伴療情傷

更新時間：16:02 2023-08-13
發佈時間：16:02 2023-08-13

現年40歲的蔡卓妍（阿Sa）與富三代「百億麻將館太子爺」石恆聰（Anthony）於2017年傳出戀情，二人拍拖六年，多次傳出結婚、分手消息。今日（13日）《星島頭條》率先爆出二人已成過去，據聞導火線主要是男方未定性，在婚姻上得不到共識。蔡卓妍罕有開腔回應「分」訊，回覆《星島頭條》時直認與石恆聰已分開一段時間，雙方是和平分手。有指在石恆聰努力箍煲期間，蔡卓妍卻帶家人外遊一個月，重拾心情。

【相關閱讀】：獨家丨阿Sa蔡卓妍與富三代石恆聰六年情玩完傳男友與圈中C小姐過從甚密丨名人雜誌

【點擊睇蔡卓妍報復式外遊】：

蔡卓妍早於5月已三代同堂到泰國旅行，當時她留言分享旅行點滴：「嫲嫲、表姐s、我 #四朵金花，我老豆（竇）瘦咗、又健康咗，嫲嫲同舅公一個90幾、一個80幾，兩個又行得又食得又瞓得，好勁 #呢啲基因應該有遺傳俾我掛 #familytrip」，跟Sa爸去完布吉，蔡卓妍亦好孝順於6月中帶母親到瑞士玩，兩母女拍下不少合照，她寫道：「同媽咪去瑞士旅行，呢度真係好靚！！！每一個角落都好似postcard咁，水同空氣都超級好！而且呢度節奏好慢同安靜，係一個養生排毒嘅好地方。」蔡卓妍又到位於瑞士日內瓦的卓別林的世界（Chaplin's World），以及瑞士少女峰觀光。

行博物館感受深

從蔡卓妍介紹自己所到之處，可感受到其心情未受情變影響，她寫道：「去咗一個好玩又好有意思嘅博物館，呢個博物館其實係佢喺瑞士晚年居住嘅故居，博物館除咗展示佢好多好經典嘅電影，仲會講述佢嘅生平事蹟，博物館有好多做得好真嘅蠟像，搞到我見到其他遊客都以為佢哋係假嘅，嚇咗我好幾次。最大嘅感受係佢嘅人生雖然跌宕起伏，但係佢仍然選擇帶比觀眾快樂同正能量，佢充滿無限嘅幻想力同創造力，喺一個科技冇咁先進同發達嘅年代，依然創作出好多有前瞻性及反映時代嘅電影，大師嘅作品同故事都好值得我們去學習和記得，如果你哋有機會去Montreux Vevey（沃韋）我非常推薦大家去呢度」。

再約朋友遊韓國

而到8月蔡卓妍又分享到韓國旅行點滴，今次是一年一度的團隊旅行，再加幾個朋友包括吳千語：「其實咁大班人去旅行係有難度嘅，不過好彩有人今次好有心機咁做晒，同埋有得出門靠朋友，一早幫我哋訂晒所有嘢 #有時識人真係好過識字 #難得有一次去旅行可以做廢人，雖然唔係去咗好多日，但係真係玩咗好多嘢 #有時去旅行真係攰過返工 #不過係肉體攰啫 #心靈係充咗電嘅，期待下一次一齊嘅旅行」。