「明星婆婆」彭美嫦被星探睇中貌似凌波獲邀入行 曾演過老版邱淑貞因一事被刪戲份
發佈時間：10:00 2023-08-15
有「明星婆婆」之稱的彭美嫦，早年因子宮頸癌廣告，當時她一臉驚慌地在街上逃竄並說：「我幾十歲人，呢啲嘢唔關我事㗎！」 雖然出鏡率只不過得數十秒，但已經相當深入民心，不過彭美嫦的演出又豈只得一樣，過往曾參與多部作品包括《表姐，妳好嘢！3之大人駕到》、《犯罪現場》、《愛·回家之開心速遞》、《下流上車族》、《大叔的愛》以及《反起跑線聯盟》等，已快將踏入90歲高齡的彭美嫦，堅持永不言休！
【相關文章】：「御用惡人」王俊棠80年代同梁家輝行時裝騷 做Disco門衛獲李修賢相中露股裸跑
【點擊睇彭美嫦經典作品】：
彭美嫦早前接受演藝人協會的「傳承．前輩專訪」，彭美嫦年輕時曾是專業舞台演員並接受音樂訓練，在退休後來港定居被發掘正式入行做演員，接近60歲才做電視新人：「有一日我同一朋友喺街度睇人拍戲，唔知點解有一個唔識我嘅人，走埋嚟話我似凌波，跟住問我係咪拍過戲。」原來這個人是臨時演員公司的職員，彭美嫦開始了演員的生活：「嗰陣我咗幾十個廣告，不過好多人壓咗價，我都唔識講價錢，啲人畀幾多錢我咪做，我最高紀錄係一日有三個廣告播出。」
貌似凌波被發掘
後來彭美嫦又試過做配音工作，試過為《美人魚》配人魚師太一角：「我去到先知道演係周星馳，因為我係女高音，聲音比較高，但係人魚師太啱啱相反，佢咪叫我盡量壓低，指點下咪過咗關。」不過談到最難忘的演出，彭美嫦說：「係拍《慈禧的秘密生活》，嗰陣係做邱淑貞嘅老年版，戴嗰啲嘢又好重，頸椎發炎，好辛苦，最後呢場戲係剪咗，我得到個教訓，做演員應該要吃苦，死都要堅持，唔好因為痛而唔肯堅持，唔係人哋唔要你，係你自己唔去，又嘥咗人哋啲菲林，呢個係一個教訓。」
已快將踏入90歲高齡的彭美嫦，雖然家人叫她不要再拍戲，但她依然堅持：「我覺得喺屋企好無聊，反而開工就好精神，而且我又可以嘗試做唔同嘅人物，呢啲係我從來都未做過，感覺好得意。」她還說：「如果可以重新再選擇，我依然會揀做演員，一嚟係自己愛好，二嚟又學到好多嘢，人生七十古來稀，我都超過70，都『古來稀』，有一日賺一日，所以要將自己好嘅嘢傳授畀啲年輕人，自己能夠貢獻社會。」
【其他閱讀】：
嘉玲兒子黃栢文移民10年一原因回流 抗癌成功自稱「老牌新人」重新學習
83歲「御用婆婆」楊依依自告奮勇瞓棺材 永不言休公開「五不十得」長壽秘方
55歲江榮暉名校出身背棄家人期望 演員身份至今未獲認同：覺得我未夠班
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
