開學日丨廿四孝爸爸周吉佩揸車送囡囡返學 讚女兒大個女懂得幫手做家務
發佈時間：10:10 2023-09-04
《中年好聲音》冠軍得主周吉佩（吉吉）與太太黃彥欣育有一子一女，組織了一個幸福家庭。向來愛錫子女的吉吉，今日是開學日，親自駕車接送長女Imogen上學。今早7時30分，戴住漁夫帽的周吉佩，駕車接載愛女到所讀的學校，身為爸爸的他，既為囡囡開車門又揹書包，兩父女更到校外的佈景版合照留念，認真sweet。
【相關閱讀】：周吉佩經歷3次低潮企窗邊「想就咁算」 大爆太太口不對心舉動
【點擊睇周吉佩開學日送仔女上學】：
周吉佩接受訪問時，透露雖然日前受到超級颱風蘇拉襲港，令全港學校停課，但他笑言沒有太大影響，他說：「上星期囝囝Jasper開學，囡囡就未開學，原本要送囝囝返學，但打風就取消晒！臨急臨忙將啲行程調一調，反而打風無咁難搞，大家一早知道就留喺屋企休息。」周吉佩笑指囡囡性格好開朗，當知道今日開學覺得好開心，還會向他透露想見那位同學或老師，十分享受上學的樂趣。
工作多忙堅持送仔女上學
談到工作繁忙的他，是否每日要接送子女上學？周吉佩說：「其實咁多年返學都係我親自接送，家人都會幫手接送放學，但係今年家人身體唔係咁好，人手變得唔夠，所以囡囡都要搭校車返學啦！點解以前囡囡唔搭校車，因為佢會容易『暈車浪』，試過好多次返學校之後就嘔，令佢驚咗！但都無辦法，要佢重新適應啦！」周吉佩又指每年為子女開學事宜準備一定會較為辛苦，由於囡囡與囝囝就讀不同學校，不過囡囡開始長大，亦會訓練對方自己整理書包同做功課，並且會幫手做家務，他說：「佢會洗碗架！所以而家無咁辛苦。（以獎品鼓勵囡囡做家務？）冇㗎！佢都鍾意，覺得有滿足感，幫到屋企人洗碗或做家務，可能真係大個女啦！」
【其他文章】：
周吉佩同前港姐老婆水中激吻放閃！ 曾自爆結束七年分房瞓生活 同牀反而唔慣
周吉佩助情緒病歌迷重生感動爆喊 興奮自爆結束7年夫妻分房瞓局面
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
