獨家丨郭柏妍女團夢未熄學唱歌踢走「魔音」 感激何廣沛拍劇照顧周到
更新時間：07:00 2023-09-07
發佈時間：07:00 2023-09-07
發佈時間：07:00 2023-09-07
字體大小
郭柏妍（Rosita）今年初奪得「飛躍進步女藝員」後，最近終有劇集《破毒強人》推出，不過該劇早在《下流上車族》前拍攝，她擔心幼嫩演技會令觀眾失望。對於緋聞男友丁子朗參加《亞洲超星團》挑戰做男團，Rosita亦有女團夢，若有女子組比賽也想參加。採訪：杜杜 攝影：羅安強 場地:One Step Studio
Rosita在《破毒》中跟何廣沛青梅竹馬，她最擔心觀眾覺得她演技退步，「自己都唔係好想睇返，哈哈！拍呢套比《下流》更加green，但《下流》播得比較早，以為退步咗，希望大家包容吓。」
Rosita在《破毒》演「Wing」，因父親負債而被淋紅油。
Rosita跟「啞巴」何廣沛青梅竹馬，私下廣沛更親自教她手語。
為緋聞男友丁子朗打氣
跟剛承認有新戀情的何廣沛被指外形合襯，Rosita讚Marco（監製羅永賢）有眼光，「將我哋擺埋一齊，哈哈！」她又大讚廣沛是好前輩很照顧她，「佢真係睇住我長大，哈哈！選港姐時佢已經投我；合作《雙生陌生人》時我仲新，佢已經幫我好多，到今次我好驚做管家婆，唔知個程度點樣拿捏，怕觀眾覺得煩，佢都有提我，真係幫咗我好多，好開心佢係我對手。」
Rosita參選港姐時，已被何廣沛睇好有機會奪獎。
Rosita參選港姐時，已被何廣沛睇好有機會奪獎。
提到緋聞男友丁子朗參加選秀節目《亞洲超星團》，Rosita都是睇報道才知，很替對方高興，「我同佢合作咗兩套劇，都知佢係個好努力嘅人，希望佢可以成功。」她參選港姐時亦講過有女團夢，亦承認團火未熄，「個夢仲有嘅，但我驚啲人唔想睇喎！未必有人想睇我唱歌跳舞！」若然《超星團》再辦揀女團，她都希望參加，「每個學習過程都好寶貴，有時比結果有更豐盛嘅收獲，有機會都想試吓，𠵱家專注拍劇或者綜藝先。」她又表示會努力學唱歌望擺脫「魔音」之名，「我幾享受唱歌，真係覺得好放鬆，會再努力練習，一定會唱得好啲畀大家聽。」
Rosita跟丁子朗被指戲假情真，論外形兩人確實合襯。
Rosita參選港姐時，以女團姿態作才藝表演。
Rosita拍新劇《新聞女王》，跟偶像佘詩曼合作兼集郵。
《星島頭條》新網站有更多精彩內容：http://www.stheadline.com/
